തായ്പോ: രണ്ടാഴ്ച മുമ്പ് ഹോങ്കോങ്ങിൽ (Hong Kong) നടന്ന തീപ്പിടിത്തത്തിൽ 160-ൽ അധികം ആളുകൾ മരിക്കുകയും ആയിരക്കണക്കിന് പേർ ഭവനരഹിതരാകുകയും ചെയ്ത സംഭവത്തിൽ, സ്വതന്ത്ര അന്വേഷണം ഒൻപത് മാസത്തിനുള്ളിൽ പൂർത്തിയാക്കാൻ ശ്രമിക്കുമെന്ന് ഹോങ്കോങ് നേതാവ് ജോൺ ലീ അറിയിച്ചു.
തായ് പോ ജില്ലയിൽ നടന്ന തീപ്പിടിത്തത്തെക്കുറിച്ച് അന്വേഷിക്കാൻ സർക്കാർ ഒരു സ്വതന്ത്ര സമിതിക്ക് രൂപം നൽകിയിട്ടുണ്ട്. ഇലക്ടറൽ അഫയേഴ്സ് കമ്മീഷൻ ചെയർമാൻ ജഡ്ജി ഡേവിഡ് ലോക്ക് ആണ് ഈ സമിതിക്ക് നേതൃത്വം നൽകുന്നത്. നിർമ്മാണ മേഖലയിലെ വ്യവസ്ഥാപരമായ പ്രശ്നങ്ങൾ, താൽപ്പര്യ വൈരുദ്ധ്യങ്ങൾ, അനുചിതമായ ഒത്തുകളി, കരാറുകൾ നൽകുന്നതിലെ തട്ടിപ്പ് എന്നിവ സമിതി അന്വേഷിക്കും.
നവംബർ 26-ന് ആരംഭിച്ച തീപ്പിടിത്തം അണയ്ക്കാൻ ഏകദേശം രണ്ട് ദിവസത്തോളം വേണ്ടി വന്നു. നവീകരണത്തിനായി ഉപയോഗിച്ച നിലവാരമില്ലാത്ത കെട്ടിട നിർമ്മാണ സാമഗ്രികളാണ് തീ പടരാൻ കാരണമായതെന്ന് അധികൃതർ അറിയിച്ചു. തീപ്പിടിത്തത്തിൻ്റെ പശ്ചാത്തലത്തിൽ സ്ഥാപനപരമായ പരിഷ്കാരങ്ങൾ നടപ്പിലാക്കാൻ സർക്കാർ നിയമസഭയുമായി ചേർന്ന് പ്രവർത്തിക്കുമെന്ന് ജോൺ ലീ പറഞ്ഞു. പൊതുജനങ്ങളുടെ ആവശ്യം കണക്കിലെടുത്ത് സംഭവത്തിൽ ക്രിമിനൽ, അഴിമതി അന്വേഷണങ്ങളും ആരംഭിച്ചിട്ടുണ്ട്.
Hong Kong's leader, John Lee, announced that an independent investigation into the recent fire that killed at least 160 people and displaced thousands is expected to conclude within nine months. The government has appointed Judge David Lok to lead the independent committee, which will probe systematic problems within the construction industry, including substandard building materials, conflicts of interest, and corruption.