ഗാസ സിറ്റി: ഇസ്രായേൽ ഉപരോധം തുടരുന്ന ഗാസയിൽ കൊടുംതണുപ്പിനെ പ്രതിരോധിക്കാനാവാതെ രണ്ട് മാസം പ്രായമുള്ള കുഞ്ഞ് മരിച്ചു (Winter in Gaza). മുഹമ്മദ് വിസാം അബു ഹർബിദ് എന്ന കുഞ്ഞാണ് ഗാസ സിറ്റിയിൽ തണുപ്പ് താങ്ങാനാവാതെ മരണത്തിന് കീഴടങ്ങിയത്. മഹ്മൂദ് അൽ-അഖ്റ എന്ന മറ്റൊരു കുഞ്ഞും സമാനമായ രീതിയിൽ തണുപ്പേറ്റ് മരിച്ചിരുന്നു.
ശക്തമായ ശീതക്കാറ്റും മഴയും മേഖലയിൽ തുടരുന്നതിനിടെ ഇസ്രായേൽ സൈന്യം സഹായമെത്തിക്കുന്നതിന് തടസ്സങ്ങൾ സൃഷ്ടിക്കുന്നതാണ് മരണസംഖ്യ ഉയരാൻ കാരണം. ഭക്ഷണത്തിനും മരുന്നിനും പുറമെ ഇന്ധനവും താപസംവിധാനങ്ങളും ഗാസയിലേക്ക് എത്തിക്കാൻ സാധിക്കുന്നില്ല. തകർന്ന ടെന്റുകളിൽ കഴിയുന്ന ആയിരക്കണക്കിന് കുടുംബങ്ങൾ പുതപ്പോ ശരിയായ ഭക്ഷണമോ ഇല്ലാതെ ദുരിതത്തിലാണ്.
കുട്ടികൾക്ക് ലഭിക്കേണ്ട പ്രാഥമിക അവകാശങ്ങളായ സുരക്ഷയും പോഷകാഹാരവും ഗാസയിൽ ഇല്ലാതായിരിക്കുകയാണെന്ന് യുഎൻ ഏജൻസിയായ UNRWA മുന്നറിയിപ്പ് നൽകി. പലായനം ചെയ്തവർ കഴിയുന്ന ക്യാമ്പുകൾ വെള്ളത്തിനടിയിലായതോടെ മരക്കഷ്ണങ്ങൾ കത്തിച്ചാണ് കുടുംബങ്ങൾ തണുപ്പിനെ പ്രതിരോധിക്കുന്നത്. സഹായവുമായി എത്തുന്ന ട്രക്കുകൾ ഇസ്രായേൽ സൈന്യം അതിർത്തിയിൽ തടയുന്നത് തുടരുന്ന സാഹചര്യത്തിൽ ഗാസയിലെ സാഹചര്യം അതീവ ഗുരുതരമായി തുടരുന്നു.
A two-month-old infant, Muhammad Wissam Abu Harbid, died from extreme cold in Gaza City, marking the second such infant death within hours due to harsh winter conditions. The ongoing Israeli blockade has severely restricted the entry of essential supplies, including fuel, blankets, and food, leaving displaced families in flooded tents without protection. UNRWA has warned that the deliberate obstruction of humanitarian aid is creating life-threatening conditions for Gaza’s most vulnerable children.