ബഞ്ചുൾ: പശ്ചിമാഫ്രിക്കൻ രാജ്യമായ ഗാംബിയൻ തീരത്ത് ഇരുന്നൂറിലധികം കുടിയേറ്റക്കാരുമായി സഞ്ചരിച്ച ബോട്ട് മറിഞ്ഞ് ഏഴ് പേർ കൊല്ലപ്പെട്ടു (Gambia Migrant Boat Tragedy). വ്യാഴാഴ്ച പുലർച്ചെ വടക്കൻ ഗാംബിയയിലെ ജിനാക് ഗ്രാമത്തിന് സമീപമാണ് അപകടമുണ്ടായത്. 96 പേരെ ഇതുവരെ രക്ഷപ്പെടുത്തിയതായും പത്തോളം പേരുടെ നില അതീവ ഗുരുതരമാണെന്നും ഗാംബിയൻ പ്രതിരോധ മന്ത്രാലയം അറിയിച്ചു.
യൂറോപ്പിലേക്ക് കടക്കാൻ ശ്രമിച്ചവരാണ് അപകടത്തിൽപ്പെട്ടത്. കടലിലെ മണൽത്തിട്ടയിൽ തട്ടിയാണ് ബോട്ട് മറിഞ്ഞതെന്നാണ് പ്രാഥമിക വിവരം. ഗാംബിയൻ നേവിയുടെ നേതൃത്വത്തിൽ മൂന്ന് സ്പീഡ് ബോട്ടുകളും ഒരു പട്രോളിംഗ് കപ്പലും രക്ഷാപ്രവർത്തനത്തിൽ പങ്കെടുത്തു. പ്രാദേശിക മത്സ്യത്തൊഴിലാളികളും രക്ഷാപ്രവർത്തനത്തിന് സഹായവുമായെത്തി.
രക്ഷപ്പെട്ടവരിൽ പലരും ഗാംബിയൻ പൗരന്മാരല്ലെന്ന് അധികൃതർ വ്യക്തമാക്കി. ഇവരുടെ ദേശീയത തിരിച്ചറിയാനുള്ള ശ്രമങ്ങൾ നടന്നുവരികയാണ്. കാനറി ദ്വീപുകൾ വഴി സ്പെയിനിലേക്ക് എത്താനുള്ള ശ്രമത്തിനിടെയാണ് ഈ ദുരന്തം. ലോകത്തിലെ തന്നെ ഏറ്റവും അപകടം പിടിച്ച കുടിയേറ്റ പാതയാണിത്. 2024-ൽ മാത്രം ഈ പാതയിലൂടെയുള്ള യാത്രയ്ക്കിടെ പതിനായിരത്തിലധികം ആളുകൾ മരണപ്പെട്ടതായാണ് മനുഷ്യാവകാശ സംഘടനയായ 'കാമിനാൻഡോ ഫ്രോണ്ടെറാസ്' റിപ്പോർട്ട് ചെയ്യുന്നത്.
At least seven people were killed and 96 others rescued after a boat carrying over 200 migrants capsized off the coast of Gambia near Jinack Village. The vessel, headed for Europe via the perilous Atlantic route to the Canary Islands, was found grounded on a sandbank on New Year's Day. While search operations continue for dozens still missing, the Gambian Ministry of Defence confirmed that 10 survivors remain in critical condition and identified some victims as non-Gambians.