മനില: ചൈനീസ് ക്രിമിനൽ സംഘങ്ങളുമായി ബന്ധമുണ്ടെന്ന് ആരോപിക്കപ്പെട്ട മുൻ ഫിലിപ്പീൻസ് മേയർ ആലീസ് ഗുഓയ്ക്ക് (Alice Guo) മനുഷ്യക്കടത്ത് കേസിൽ ഫിലിപ്പീൻസ് ട്രയൽ കോടതി ജീവപര്യന്തം തടവ് ശിക്ഷ വിധിച്ചു. കേസിൽ കുറ്റക്കാരിയെന്ന് കണ്ടെത്തിയതിനെ തുടർന്നാണ് ശിക്ഷയെന്ന് സർക്കാർ കുറ്റകൃത്യ വിരുദ്ധ ഏജൻസി (PAOCC) വ്യാഴാഴ്ച അറിയിച്ചു.
മനിലയുടെ വടക്കുള്ള ബാംബൻ എന്ന കാർഷിക പട്ടണത്തിൽ ഫിലിപ്പീൻസ് പൗരയായി മത്സരിച്ച് മേയറായ ഗുഓ, പിന്നീട് ഗ്വോ ഹുവാ പിംഗ് എന്ന ചൈനീസ് പൗരയാണെന്ന് നിയമപാലകർ തിരിച്ചറിഞ്ഞിരുന്നു. ഗുഓ ഭാഗികമായി ഉടമസ്ഥതയിലുള്ള സ്ഥലത്ത് പ്രവർത്തിച്ചിരുന്ന തട്ടിപ്പ് കേന്ദ്രത്തിൽ പോലീസ് റെയ്ഡ് നടത്തിയതിന് ശേഷമാണ് വിഷയം പുറത്തു വന്നത്. ഈ റെയ്ഡിൽ വിദേശ പൗരന്മാർ ഉൾപ്പെടെ നൂറുകണക്കിന് ആളുകളെ മനുഷ്യക്കടത്തിന് ഇരകളാക്കിയതായി കണ്ടെത്തി. സംഭവത്തെ തുടർന്ന്, താൻ ഫിലിപ്പീൻസ് പൗരയാണെന്നും ചൈനയുമായി ബന്ധമില്ലെന്നും ഗുഓ അവകാശപ്പെട്ടിരുന്നു. ഗുഓയുടെ കേസ് ഫിലിപ്പീൻസിൽ വലിയ ചർച്ചാവിഷയമായി മാറിയിരുന്നു. കൂടാതെ, കേസിൽ ഏഴ് വ്യക്തികളെക്കൂടി കോടതി ജീവപര്യന്തം തടവിന് ശിക്ഷിച്ചു. 2024 ഓഗസ്റ്റിൽ ഗുരുതരമായ ദുഷ്പെരുമാറ്റത്തിന് മേയർ സ്ഥാനത്ത് നിന്ന് നീക്കം ചെയ്യപ്പെട്ട ഗുഓയ്ക്ക്, കൈക്കൂലി, കള്ളപ്പണം വെളുപ്പിക്കൽ ഉൾപ്പെടെ മറ്റ് ക്രിമിനൽ കേസുകളും നേരിടേണ്ടതുണ്ട്.
A Philippine trial court has sentenced former mayor Alice Guo to life imprisonment after finding her guilty of human trafficking, according to the Presidential Anti-Organised Crime Commission (PAOCC).