ന്യൂയോർക്ക്: യുഎസ്-ചൈന വ്യാപാര സംഘർഷം മൂലം വെട്ടിലായി ഫോർഡ്. യുഎസിൽ നിന്ന് ചൈനയിലേക്കുള്ള കയറ്റുമതി ക്രമീകരിച്ചിരിക്കുകയാണ് ഇവർ. റിപ്പോർട്ടനുസരിച്ച് യുഎസ് ഓട്ടോ ഭീമൻ മിഷിഗൺ നിർമ്മിത എഫ്-150 റാപ്‌റ്റർ, മുസ്താങ്, ബ്രോങ്കോ സ്പോർട്സ് യൂട്ടിലിറ്റി വാഹനങ്ങളുടെ കയറ്റുമതി നിർത്തിവച്ചു.(Ford Halts Exports Of Sports Cars and Other Models To China)
കെന്റക്കിയിൽ നിർമ്മിച്ച ലിങ്കൺ നാവിഗേറ്ററിനെയും ഇത് ബാധിച്ചതായാണ് വിവരം. കഴിഞ്ഞ ദശകത്തിൽ, അമേരിക്കയിൽ നിന്ന് കയറ്റുമതി ചെയ്ത ഏകദേശം 240,000 വാഹനങ്ങൾ ഫോർഡ് ചൈനയിൽ വിറ്റു. എന്നാൽ 2024 ൽ വോള്യങ്ങൾ കുത്തനെ കുറഞ്ഞ് ഏകദേശം 5,500 ആയി.
ഇരു രാജ്യങ്ങളും തമ്മിലെ വർദ്ധിച്ചുവരുന്ന വ്യാപാര യുദ്ധത്തിൻ്റെ ഏറ്റവും പുതിയ പ്രതിഫലനമാണിത്. മറ്റ് നിരവധി തീരുവകൾ പിൻവലിച്ചെങ്കിലും, പ്രസിഡന്റ് ഡൊണാൾഡ് ട്രംപ് ചൈനീസ് ഉൽപ്പന്നങ്ങൾക്കുള്ള യുഎസ് തീരുവയിൽ ഉറച്ചുനിൽക്കുകയും അവ 145 ശതമാനമായി ഉയർത്തുകയും ചെയ്തു. അതേസമയം, കാറുകൾ ഉൾപ്പെടെയുള്ള യുഎസ് കയറ്റുമതിയുടെ തീരുവ ചൈന 125 ശതമാനമായി വർദ്ധിപ്പിച്ചു.