നഗ്നത സാധാരണ കാര്യം, ഓഫീസ് മീറ്റിംഗുങ്ങള്‍ പോലും വസ്ത്രമില്ലാതെ നടത്തുന്ന രാജ്യം; തുടർച്ചയായി എട്ടാം തവണയും ലോകത്തിലെ ഏറ്റവും സന്തോഷമുള്ള രാജ്യം ഫിൻലാൻഡ് | Happiest country in the world
ഹെൽസിങ്കി: ലോകത്തിലെ ഏറ്റവും സന്തോഷമുള്ള രാജ്യമായി ഫിൻലാൻഡ് തുടർച്ചയായി എട്ടാം തവണയും തിരഞ്ഞെടുക്കപ്പെട്ടു. ജോലി ഭാരം, ഹോം വർക്ക് എന്നിവയില്ലാതെ ആളുകൾ സന്തോഷത്തോടെ കഴിയുന്ന ഇവിടത്തെ ജീവിതരീതിയാണ് ഈ നേട്ടത്തിന് പിന്നിലെ പ്രധാന കാരണം. ഫിൻലാൻഡുകാരുടെ സംതൃപ്തി സ്‌കോർ 7.741 ആണെന്ന് റിപ്പോർട്ടുകൾ പറയുന്നു.ഫിൻലാൻഡിൻ്റെ സാംസ്കാരികപരമായ പ്രത്യേകതകളും ജീവിതശൈലിയും ഈ സന്തോഷത്തിന് കാരണമാകുന്നു. അടുത്തിടെ ഫിൻലാൻഡുകാരുടെ ജീവിതരീതികളെക്കുറിച്ച് പറയുന്ന ഒരു വീഡിയോ സോഷ്യൽ മീഡിയയിൽ വൈറലായിരുന്നു.
സന്തോഷകരമായ ജീവിതത്തിൻ്റെ 'ഫിന്നിഷ്' രഹസ്യങ്ങൾ
ഫിൻലാൻഡിലെ സവിശേഷമായ ജീവിതശൈലിയിലെ ചില ശ്രദ്ധേയമായ ഘടകങ്ങൾ ഇവയാണ്:
സോണാ ബാത്തിംഗ് (സ്റ്റീം ബാത്തിംഗ്): ഇത് ഫിൻലാൻഡിലെ ഒരു പ്രധാന സാമൂഹിക ബന്ധത്തിൻ്റെ കേന്ദ്രമാണ്. ഇവിടെ കാറുകളേക്കാൾ കൂടുതൽ സ്റ്റീം ബാത്തിംഗ് റൂമുകളാണുള്ളത്.
ബിസിനസ് ഇടപെടലുകൾ: ചില സന്ദർഭങ്ങളിൽ ബിസിനസ് ഇടപാടുകളും ഗ്രൂപ്പ് ചർച്ചകളും ഈ സോണയിൽ വെച്ച് നടത്താറുണ്ട്. "സോണയിൽ സംഭവിക്കുന്നത് സോണയിൽ തന്നെ തുടരും" എന്നൊരു വിശ്വാസം ഇവർക്കിടയിലുണ്ട്.
നഗ്നത: സോണകളിൽ നഗ്നത ഒരു സാധാരണ കാര്യമായാണ് കണക്കാക്കുന്നത്. നഗ്നരായി ബോസുമായി മീറ്റിംഗ് നടത്തുന്നതിനെക്കുറിച്ച് ചിന്തിക്കാറുണ്ടോ? എന്നാൽ ഇവിടത്തെ ആളുകൾ അത് ചെയ്യാറുണ്ട്.
ജോലി-ജീവിത സന്തുലിതാവസ്ഥ: കൃത്യം നാല് മണിക്ക് ജോലി അവസാനിപ്പിക്കുന്നതാണ് ഇവിടെത്തെ രീതി. കൂടാതെ, എല്ലാ വർഷവും അഞ്ച് ആഴ്ചത്തെ അവധി ശമ്പളത്തോടെയുള്ള യാത്രകൾക്കായി ഓഫീസുകൾ നൽകുന്നു.
വിദ്യാഭ്യാസ മാതൃക:
കുട്ടികളെ സ്കൂളുകളിൽ ചേർക്കുന്നത് ഏഴാം വയസ്സിലാണ്.
കുട്ടികൾക്ക് ഹോം വർക്കുകൾ നൽകാറില്ല.
ക്ലാസ് മുറികളുടെ വലുപ്പം ചെറുതാണ്.
ഫിൻലാൻഡിൽ ഹൈസ്കൂൾ വിജയം നേടുന്നവരുടെ നിരക്ക് 93 ശതമാനമാണ് (യു.എസിൽ ഇത് 76 ശതമാനം മാത്രമാണ്).
2025-ലെ റിപ്പോർട്ട് പ്രകാരം ഫിൻലാൻഡിലെ കുട്ടികളാണ് ലോകത്തിലെ ഏറ്റവും സന്തോഷമുള്ളവർ എന്നും വീഡിയോയിൽ പറയുന്നു.