ഫുട്ബോൾ ലോകം കാത്തിരിക്കുന്ന 2026 ഫിഫ ലോകകപ്പിനുള്ള ടീമുകളുടെ പട്ടിക പൂർത്തിയായി. അമേരിക്ക, മെക്സിക്കോ, കാനഡ എന്നീ രാജ്യങ്ങൾ സംയുക്തമായി ആതിഥേയത്വം വഹിക്കുന്ന ഈ മാമാങ്കത്തിൽ ഇത്തവണ റെക്കോർഡ് എണ്ണമായ 48 ടീമുകളാണ് മാറ്റുരയ്ക്കുന്നത് ( FIFA World Cup 2026 Qualified Teams List). അവസാന യോഗ്യതാ മത്സരത്തിൽ ബൊളീവിയയെ പരാജയപ്പെടുത്തി ഇറാഖ് തങ്ങളുടെ സ്ഥാനം ഉറപ്പിച്ചതോടെ ടൂർണമെന്റിലെ എല്ലാ ടീമുകളുടെയും ചിത്രം വ്യക്തമായി. നിലവിലെ ചാമ്പ്യന്മാരായ അർജന്റീനയും മുൻ ചാമ്പ്യന്മാരായ ബ്രസീൽ, ജർമ്മനി, ഫ്രാൻസ് എന്നിവരും അണിനിരക്കുന്ന ടൂർണമെന്റിൽ നാല് പുതുമുഖ രാജ്യങ്ങളും ഇത്തവണ ചരിത്രം കുറിക്കുന്നുണ്ട്. ജൂൺ 11 മുതൽ ജൂലൈ 19 വരെയാണ് ആവേശകരമായ ഈ കായിക മാമാങ്കം അരങ്ങേറുന്നത്.
ആതിഥേയ രാജ്യങ്ങൾ:
- അമേരിക്ക
- മെക്സിക്കോ
- കാനഡ
ഏഷ്യ (AFC):
➡ ജപ്പാൻ, ദക്ഷിണ കൊറിയ, ഇറാൻ, ഓസ്ട്രേലിയ, ഖത്തർ, സൗദി അറേബ്യ, ഇറാഖ്.
➡ ആദ്യമായി യോഗ്യത നേടിയവർ: ഉസ്ബെക്കിസ്താൻ, ജോർദാൻ.
തെക്കേ അമേരിക്ക (CONMEBOL):
➡ അർജന്റീന (നിലവിലെ ചാമ്പ്യന്മാർ), ബ്രസീൽ, ഉറുഗ്വേ, കൊളംബിയ, ഇക്വഡോർ, പരാഗ്വേ.
യൂറോപ്പ് (UEFA):
➡ ഫ്രാൻസ്, ഇംഗ്ലണ്ട്, ജർമ്മനി, പോർച്ചുഗൽ, സ്പെയിൻ, നെതർലൻഡ്സ്, ക്രോയേഷ്യ, ബെൽജിയം, ഓസ്ട്രിയ, സ്വിറ്റ്സർലൻഡ്, നോർവേ, സ്കോട്ട്ലൻഡ്, സ്വീഡൻ, തുർക്കി, ചെക്ക് റിപ്പബ്ലിക്, ബോസ്നിയ ആൻഡ് ഹെർസെഗോവിന.
ആഫ്രിക്ക (CAF):
➡ മൊറോക്കോ, ഈജിപ്ത്, അൾജീരിയ, ഘാന, സെനഗൽ, ഐവറി കോസ്റ്റ്, ദക്ഷിണാഫ്രിക്ക, ഡെമോക്രാറ്റിക് റിപ്പബ്ലിക് ഓഫ് കോംഗോ.
➡ ആദ്യമായി യോഗ്യത നേടിയവർ: കേപ് വെർഡെ.
വടക്കേ അമേരിക്കയും കരീബിയനും (CONCACAF):
➡ പനാമ, ഹെയ്തി.
➡ ആദ്യമായി യോഗ്യത നേടിയവർ: കുറകാവോ (Curacao).
ഓഷ്യാനിയ (OFC):
➡ ന്യൂസിലൻഡ്.
പ്രത്യേകതകൾ:
- ഇറാഖിന്റെ തിരിച്ചുവരവ്: 40 വർഷത്തെ നീണ്ട കാത്തിരിപ്പിന് ശേഷമാണ് (1986-ന് ശേഷം) ഇറാഖ് ലോകകപ്പിന് യോഗ്യത നേടുന്നത്. മാർച്ച് 31-ന് നടന്ന പ്ലേ ഓഫ് മത്സരത്തിൽ ബൊളീവിയയെ പരാജയപ്പെടുത്തിയാണ് അവർ അവസാന ടീമായി യോഗ്യത ഉറപ്പാക്കിയത്.
- പുതുമുഖങ്ങൾ: ഉസ്ബെക്കിസ്താൻ, ജോർദാൻ, കേപ് വെർഡെ, കുറകാവോ എന്നീ രാജ്യങ്ങൾ തങ്ങളുടെ ചരിത്രത്തിലാദ്യമായാണ് ലോകകപ്പിന്റെ ഭാഗമാകുന്നത്.
