ഇസ്ലാമാബാദ്: പാകിസ്ഥാന്റെ (Pakistan) നിയന്ത്രണാതീതമായ ജനസംഖ്യാ വർധനവ് രാജ്യത്തിന്റെ ലഭ്യമായ വിഭവങ്ങളെ അതിവേഗം മറികടക്കുന്ന സാഹചര്യത്തിൽ, പാകിസ്ഥാൻ ജനസംഖ്യാപരമായ ദുരന്തത്തിന്റെ വക്കിലാണെന്ന് പാകിസ്ഥാൻ പോപ്പുലേഷൻ ഉച്ചകോടിയുടെ സമാപനത്തിൽ വിദഗ്ദ്ധർ മുന്നറിയിപ്പ് നൽകി. രണ്ട് ദിവസത്തെ ഉച്ചകോടിയിൽ പങ്കെടുത്ത സർക്കാർ ഉദ്യോഗസ്ഥരും മറ്റു വിദഗ്ധരും നേതാക്കളും ഈ വിഷയത്തെ അതിജീവന പ്രതിസന്ധി എന്നാണ് വിശേഷിപ്പിച്ചത്.
അടിയന്തിരമായ ദേശീയ ശ്രദ്ധയും പരിഷ്കരണങ്ങളും ഈ വിഷയത്തിൽ അനിവാര്യമാണ് എന്ന് അവർ അഭിപ്രായപ്പെട്ടു. ഏകീകൃതവും സ്ഥാപനങ്ങളെ മറികടന്നുള്ളതുമായ ഒരു സമീപനം ജനസംഖ്യാ മാനേജ്മെന്റിനായി അനിവാര്യമാണെന്ന് ഉച്ചകോടിയിലെ പ്രഭാഷകർ ആഹ്വാനം ചെയ്തു. ഈ പ്രതിസന്ധി രാജ്യത്തിന്റെ ആരോഗ്യസംരക്ഷണം, ഭക്ഷ്യ-ജല സുരക്ഷ, തൊഴിൽ വിപണി, വിദ്യാഭ്യാസ അടിസ്ഥാന സൗകര്യങ്ങൾ, മൊത്തത്തിലുള്ള നഗര സുസ്ഥിരത എന്നിവയ്ക്ക് ഭീഷണിയാണെന്നും, നിർണ്ണായക നടപടികൾ എടുത്തില്ലെങ്കിൽ വികസന ശ്രമങ്ങൾ ഫലരഹിതമാകുമെന്നും അവർ കൂട്ടിച്ചേർത്തു.
പരിസ്ഥിതിയെ താങ്ങാനാവാത്ത ജനസംഖ്യാ വർദ്ധനവ് മാതൃ-നവജാത ശിശുക്കളുടെയും പ്രത്യുത്പാദന ആരോഗ്യ സേവനങ്ങളുടെയും ഭാരം വർദ്ധിപ്പിക്കുന്നതിലൂടെ "ജീവിക്കാനുള്ള ഭരണഘടനാപരമായ അവകാശത്തെ ഇല്ലാതാക്കുന്നു" എന്ന് വിവര മന്ത്രി അത്താഉല്ല താരർ സമ്മതിച്ചു. ജനസംഖ്യാ നിയന്ത്രണത്തിനായി ഒരു പാർലമെന്ററി കമ്മിറ്റി, ദേശീയ ചാർട്ടർ, ബഹുതല പങ്കാളിത്തമുള്ള വർക്കിംഗ് ഗ്രൂപ്പ് എന്നിവ രൂപീകരിക്കാൻ അദ്ദേഹം നിർദ്ദേശിച്ചു. "മതപരമായ കാര്യങ്ങൾ കുടുംബാസൂത്രണത്തിന് തടസ്സമാകുന്നില്ല" എന്ന് പറഞ്ഞ മന്ത്രി, പ്രസവാനന്തര വിഷാദം പോലുള്ള മാനസികാരോഗ്യ പ്രശ്നങ്ങളെ പ്രത്യുത്പാദന ആരോഗ്യ ചർച്ചകളുടെ ഭാഗമാക്കണമെന്നും ആവശ്യപ്പെട്ടു.
ഇസ്ലാമിക ആശയ കൗൺസിൽ ചെയർമാൻ ഡോ. റാഗിബ് നയീമി "ജീവിതത്തെയും വംശപരമ്പരയെയും സംരക്ഷിക്കുക എന്നത് ഷരിയത്തിന്റെ പ്രധാന ലക്ഷ്യമാണ്" എന്ന് വ്യക്തമാക്കി ഇസ്ലാമിക തത്വങ്ങൾക്കുള്ളിൽ നിന്നുള്ള ജനന ഇടവേളയെ പിന്തുണച്ചു. ജനസംഖ്യാ മാനേജ്മെന്റ് ഒരു കൂട്ടായ ധാർമ്മിക കടമയാണ് എന്നും ദാരിദ്ര്യഭയത്താലല്ല, ആരോഗ്യപരമായ കാരണങ്ങളാൽ ഇസ്ലാം ജനന ഇടവേളയെ പിന്തുണയ്ക്കുന്നു എന്നും മത പണ്ഡിതർ അഭിപ്രായപ്പെട്ടു. പാകിസ്ഥാന്റെ ജനസംഖ്യാ വെല്ലുവിളിയെ നേരിടാൻ സ്ത്രീകളുടെ ശാക്തീകരണവും വിദ്യാഭ്യാസവും പ്രധാനമാണെന്ന് നിയമ വിദഗ്ദ്ധ ഹുമൈറ മസിഹുദ്ദീൻ ഊന്നിപ്പറഞ്ഞു.
Experts at the Pakistan Population Summit warned that the country is facing an "existential crisis" as its unchecked population growth rapidly outpaces available resources, threatening national collapse if urgent action is not taken. Government officials and scholars called for a unified national charter and cross-institutional approach to tackle the crisis, which is severely straining food, water, healthcare, and education infrastructure.