കീവ്: റഷ്യൻ മിസൈൽ-ഡ്രോൺ ആക്രമണങ്ങളിൽ ഊർജ്ജ വിതരണ ശൃംഖലകൾ തകർന്നതിനെത്തുടർന്ന് യുക്രെയ്നിൽ ഊർജ്ജ അടിയന്തരാവസ്ഥ പ്രഖ്യാപിച്ചു (Ukraine Energy Emergency). രാജ്യത്തെ താപനില -19 ഡിഗ്രി സെൽഷ്യസിലേക്ക് താഴ്ന്ന സാഹചര്യത്തിൽ ലക്ഷക്കണക്കിന് വീടുകളിൽ വൈദ്യുതിയും ഹീറ്റിംഗ് സൗകര്യങ്ങളും നിലച്ചത് അതീവ ഗുരുതരമായ പ്രതിസന്ധിയാണ് സൃഷ്ടിച്ചിരിക്കുന്നത്. യുക്രെയ്ൻ പ്രസിഡന്റ് വോളോഡിമിർ സെലെൻസ്കിയാണ് രാജ്യത്ത് അടിയന്തരാവസ്ഥ പ്രഖ്യാപിച്ച വിവരം അറിയിച്ചത്.
കഴിഞ്ഞ ആഴ്ച റഷ്യ നടത്തിയ വൻതോതിലുള്ള ആക്രമണത്തിൽ തലസ്ഥാനമായ കീവിലെ പകുതിയോളം കെട്ടിടങ്ങളിലെയും ഹീറ്റിംഗ് സംവിധാനങ്ങൾ തകരാറിലായി. വൈദ്യുതി നിലച്ചതോടെ കുടിവെള്ള വിതരണവും തടസ്സപ്പെട്ടിരിക്കുകയാണ്. കൊടും തണുപ്പിനെത്തുടർന്ന് നഗരം വിട്ടുപോകാൻ കീവ് മേയർ വിറ്റാലി ക്ലിറ്റ്സ്കോ ജനങ്ങളോട് അഭ്യർത്ഥിച്ചു. പ്രതിസന്ധി പരിഹരിക്കാൻ യൂറോപ്യൻ രാജ്യങ്ങളിൽ നിന്ന് കൂടുതൽ വൈദ്യുതി ഇറക്കുമതി ചെയ്യാനും അറ്റകുറ്റപ്പണികൾ യുദ്ധകാലാടിസ്ഥാനത്തിൽ പൂർത്തിയാക്കാനും സർക്കാർ ശ്രമം തുടങ്ങിയിട്ടുണ്ട്. കൂടാതെ, കരിങ്കടലിൽ എണ്ണക്കപ്പലുകൾക്ക് നേരെ നടക്കുന്ന ഡ്രോൺ ആക്രമണങ്ങൾ ആഗോള ഊർജ്ജ വിപണിയെയും ആശങ്കയിലാക്കുന്നുണ്ട്.
Ukrainian President Volodymyr Zelenskyy has declared a state of emergency in the energy sector following relentless Russian attacks on the country's power grid. With temperatures plunging to -19°C, thousands of homes in Kyiv and other regions are left without electricity, heat, and water. While repair crews work around the clock, Kyiv’s Mayor has urged residents to evacuate due to the critical infrastructure damage. Simultaneously, drone strikes on oil tankers in the Black Sea have raised international concerns regarding energy security beyond Ukraine's borders.