വാഷിങ്ടൺ: പ്രമുഖ സോഷ്യൽ മീഡിയ പ്ലാറ്റ്ഫോമായ എക്സ് (പഴയ ട്വിറ്റർ) ആഗോളതലത്തിൽ കടുത്ത സാങ്കേതിക തടസ്സം (X down today global outage) നേരിട്ടു. തിങ്കളാഴ്ച രാവിലെ മുതൽ ആരംഭിച്ച തകരാറിനെ തുടർന്ന് ഇന്ത്യ, അമേരിക്ക, യുകെ തുടങ്ങിയ പ്രധാന ആഗോള വിപണികളിലെ ലക്ഷക്കണക്കിന് ഉപയോക്താക്കൾക്ക് മണിക്കൂറുകളോളം ആപ്പ് ആക്സസ് ചെയ്യാനോ ലോഗിൻ ചെയ്യാനോ സാധിച്ചില്ല. ഒരേസമയം 25,000-ത്തിലധികം ഉപയോക്താക്കളാണ് പ്ലാറ്റ്ഫോമിൽ ഒരേസമയം പ്രശ്നങ്ങൾ നേരിട്ടതായി ഡൗൺഡിറ്റെക്ടർ (Downdetector) പോലുള്ള വെബ്സൈറ്റുകളിൽ റിപ്പോർട്ട് ചെയ്തത്.
ആഗോളതലത്തിൽ ലഭിച്ച പരാതികളിൽ 49 ശതമാനവും മൊബൈൽ ആപ്പ് ഉപയോഗിക്കുന്നവരാണ് ഉന്നയിച്ചത്. ആപ്പ് തുറക്കാൻ കഴിയുമെങ്കിലും പുതിയ പോസ്റ്റുകൾ അടങ്ങിയ ഫീഡും ടൈംലൈനും ലോഡ് ചെയ്യുന്നതിൽ 28 ശതമാനം പേർക്ക് കടുത്ത കാലതാമസം നേരിട്ടു. ഇതിനുപുറമെ, ഡെസ്ക്ടോപ്പ് വെബ്സൈറ്റ് വഴി എക്സ് ആക്സസ് ചെയ്യാൻ ശ്രമിച്ച 15 ശതമാനത്തോളം ഉപയോക്താക്കൾക്കും പേജ് പൂർണ്ണമായി ഓപ്പൺ ചെയ്യാൻ സാധിക്കാത്ത വിധം കടുത്ത തടസ്സങ്ങൾ നേരിട്ടു.
തിങ്കളാഴ്ച രാവിലെ 10 മണിയോടെയാണ് ആപ്പിൽ ചെറിയ രീതിയിലുള്ള തകരാറുകൾ റിപ്പോർട്ട് ചെയ്യാൻ തുടങ്ങിയത്. എന്നാൽ വൈകുന്നേരം 7:30 ഓടെ പരാതികളുടെ എണ്ണം 31,000 കടന്ന് കുതിച്ചുയരുകയായിരുന്നു. അക്കൗണ്ടുകൾ ലോഗിൻ ചെയ്യാൻ ശ്രമിച്ച പലർക്കും ‘something went wrong’ എന്ന എറർ മെസേജുകളാണ് സ്ക്രീനിൽ തെളിഞ്ഞത്. ആഗോളതലത്തിൽ ഡിജിറ്റൽ ആശയവിനിമയത്തെ ബാധിച്ച ഈ വൻ സാങ്കേതിക തടസ്സത്തിന്റെ അടിസ്ഥാന കാരണം എന്താണെന്ന് വ്യക്തമാക്കാൻ എക്സ് (X) മാനേജ്മെന്റ് ഇതുവരെ തയ്യാറായിട്ടില്ല. സംഭവവുമായി ബന്ധപ്പെട്ട് ഇലോൺ മസ്കിന്റെ ഉടമസ്ഥതയിലുള്ള കമ്പനി ഇതുവരെ ഔദ്യോഗിക പ്രസ്താവനകളൊന്നും പുറത്തിറക്കിയിട്ടില്ലാത്തത് ഉപയോക്താക്കൾക്കിടയിൽ ആശയക്കുഴപ്പം വർദ്ധിപ്പിക്കുന്നുണ്ട്.
Story Summary:
The social media platform X (formerly Twitter) faced a major global outage on Monday, affecting thousands of users across major markets like India, the US, and the UK. Users reported issues logging in and accessing their feeds, with mobile app users making up 49% of the complaints. The glitch started around 10:00 AM, and reports surged past 31,000 by 7:30 PM. X has not yet issued an official statement or clarified the root cause of the technical breakdown.
