ധാക്ക: വെള്ളിയാഴ്ച ബംഗ്ലാദേശിൽ (Bangladesh) 5.7 തീവ്രത രേഖപ്പെടുത്തിയ ഭൂകമ്പം അനുഭവപ്പെട്ടു. ഭൂകമ്പത്തിൽ മൂന്ന് പേർ മരിക്കുകയും നിരവധി പേർക്ക് പരിക്കേൽക്കുകയും ചെയ്തതായി റിപ്പോർട്ട്. ജനസാന്ദ്രത കൂടിയ തലസ്ഥാനമായ ധാക്കയുൾപ്പെടെ പല പ്രദേശങ്ങളിലും കെട്ടിടങ്ങൾക്ക് കേടുപാടുകൾ സംഭവിച്ചിട്ടുണ്ട്. ധാക്കയിൽ ഒരു ആറ് നില കെട്ടിടത്തിൻ്റെ കൈവരി തകർന്നുവീണതിനെ തുടർന്നാണ് മൂന്ന് പേർ മരിച്ചത്. നിർമ്മാണത്തിലിരുന്ന കെട്ടിടങ്ങളിൽ നിന്ന് ഇഷ്ടികകളും സിമൻ്റ് കഷണങ്ങളും അടർന്ന് വീണ് നിരവധി പേർക്ക് പരിക്കേറ്റതായും അഗ്നിശമന സേനാ വിഭാഗം റിപ്പോർട്ട് ചെയ്തു.
യുഎസ് ജിയോളജിക്കൽ സർവേയുടെ കണക്കനുസരിച്ച്, ധാക്കയിൽ നിന്ന് ഏകദേശം 40 കിലോമീറ്റർ കിഴക്കായി നർസിംഗ്ദി നഗരത്തിലാണ് ഭൂകമ്പത്തിൻ്റെ പ്രഭവകേന്ദ്രം. ഭൂകമ്പത്തിൽ കെട്ടിടങ്ങൾ ശക്തമായി കുലുങ്ങിയതോടെ പരിഭ്രാന്തരായ നഗരവാസികൾ വീടുകളിൽ നിന്നും കെട്ടിടങ്ങളിൽ നിന്നും തെരുവുകളിലേക്ക് ഇറങ്ങിയോടി. ബംഗ്ലാദേശിനോട് ചേർന്നുകിടക്കുന്ന ഇന്ത്യയിലെ കിഴക്കൻ സംസ്ഥാനങ്ങളിലും നേരിയ തോതിൽ ഭൂചലനം അനുഭവപ്പെട്ടു. എന്നാൽ ഇരു രാജ്യങ്ങളിലും കാര്യമായ നാശനഷ്ടങ്ങൾ റിപ്പോർട്ട് ചെയ്തിട്ടില്ല.
"എല്ലാവരും ശാന്തരായിരിക്കണം, ഊഹാപോഹങ്ങളിലും തെറ്റിദ്ധാരണകളിലും ശ്രദ്ധ കൊടുക്കരുത്," എന്ന് ഇടക്കാല സർക്കാർ തലവൻ മുഹമ്മദ് യൂനുസ് ജനങ്ങളോട് അഭ്യർഥിച്ചു. നാശനഷ്ടങ്ങൾ വിലയിരുത്തി വരികയാണെന്നും പൗരന്മാരുടെ സുരക്ഷ ഉറപ്പാക്കാൻ പ്രതിജ്ഞാബദ്ധരാണെന്നും അദ്ദേഹം പ്രസ്താവനയിലൂടെ അറിയിച്ചു.
A magnitude 5.7 earthquake struck Bangladesh on Friday, with its epicenter located near Narsingdi, about 40 km east of the densely populated capital, Dhaka. The tremor resulted in the deaths of at least three people in Dhaka after the railing of a six-story building collapsed, and several others were injured.