കാഠ്മണ്ഡു: നേപ്പാളിൽ ശനിയാഴ്ച ഉച്ചയ്ക്ക് ഭൂചലനം (Earthquake) അനുഭവപ്പെട്ടു. റിക്ടർ സ്കെയിലിൽ 2.9 തീവ്രത രേഖപ്പെടുത്തിയ ഭൂചലനമാണ് ഉണ്ടായതെന്ന് നാഷണൽ സെന്റർ ഫോർ സീസ്മോളജി (NCS) അറിയിച്ചു.
ശനിയാഴ്ച ഉച്ചയ്ക്ക് ഇന്ത്യൻ സമയം 2:10-നാണ് ഭൂചലനം ഉണ്ടായത്. ഭൂമിക്കടിയിൽ അഞ്ച് കിലോമീറ്റർ ആഴത്തിലാണ് ഭൂചലനത്തിന്റെ പ്രഭവകേന്ദ്രം. ഇതിനാൽ തന്നെ ഉപരിതലത്തിൽ പ്രകമ്പനം അനുഭവപ്പെട്ടു. ഭൂചലനത്തിന്റെ തീവ്രത കുറവായതിനാൽ നാശനഷ്ടങ്ങളോ ആളപായമോ റിപ്പോർട്ട് ചെയ്തിട്ടില്ല. നേപ്പാളിൽ കഴിഞ്ഞ മാസങ്ങളിൽ തുടർച്ചയായി ഭൂചലനങ്ങൾ റിപ്പോർട്ട് ചെയ്യുന്നുണ്ട്. നവംബർ 30-ന് 4.2 തീവ്രതയുള്ള ഭൂചലനവും ഡിസംബർ 7-ന് 4.1 തീവ്രതയുള്ള ഭൂചലനവും ഇവിടെ അനുഭവപ്പെട്ടിരുന്നു.
ഇന്ത്യൻ, യുറേഷ്യൻ ടെക്റ്റോണിക് പ്ലേറ്റുകൾ സംഗമിക്കുന്ന മേഖലയിലായതിനാൽ നേപ്പാൾ ലോകത്തിലെ തന്നെ ഏറ്റവും വലിയ ഭൂകമ്പ സാധ്യതയുള്ള പ്രദേശങ്ങളിലൊന്നാണ്. 2015-ലുണ്ടായ അതിശക്തമായ ഭൂകമ്പം നേപ്പാളിൽ വലിയ നാശനഷ്ടങ്ങൾ വരുത്തിയിരുന്നു.
An earthquake of magnitude 2.9 on the Richter scale struck Nepal on Saturday afternoon. According to the National Center for Seismology (NCS), the quake occurred at a depth of 5 km at 2:10 PM IST. While the intensity was low and no damage was reported, Nepal remains highly vulnerable to seismic activity due to its location on the boundary of the Indian and Eurasian tectonic plates.