കാബൂൾ: അഫ്ഗാനിസ്ഥാനിൽ തിങ്കളാഴ്ച പുലർച്ചെ 4.0 തീവ്രത രേഖപ്പെടുത്തിയ ഭൂചലനം (Earthquake) അനുഭവപ്പെട്ടു. ഒരാഴ്ചക്കിടെ രാജ്യത്തുണ്ടാകുന്ന നിരവധി ഭൂചലനങ്ങളുടെ തുടർച്ചയാണിത്. തിങ്കളാഴ്ച പുലർച്ചെ 6:10 ഓടെയാണ് 4.0 തീവ്രത രേഖപ്പെടുത്തിയ ഭൂചലനം ഉണ്ടാകുന്നത്. ഭൂചലനത്തിൽ നാശനഷ്ടങ്ങളോ ആളപായമോ റിപ്പോർട്ട് ചെയ്തിട്ടില്ല.
കഴിഞ്ഞ ഒരാഴ്ചക്കിടെ അഫ്ഗാനിസ്ഥാനിൽ അനുഭവപ്പെടുന്ന നിരവധി ഭൂചലനങ്ങളുടെ തുടർച്ചയാണിത്. നേരത്തെ, ഡിസംബർ 10-ന് 4.3 തീവ്രതയുള്ള ഭൂചലനം രേഖപ്പെടുത്തിയിരുന്നു. ഏതാനം ദിവസങ്ങൾക്ക് മുൻപ്, ഡിസംബർ 9-ന് 3.8, 4.5 എന്നിങ്ങനെ തീവ്രതയുള്ള രണ്ട് ഭൂചലനങ്ങൾ റിപ്പോർട്ട് ചെയ്യപ്പെട്ടിട്ടുണ്ട്. ഇതിൽ 4.5 തീവ്രതയുള്ള ഭൂചലനം വെറും 10 കിലോമീറ്റർ ആഴത്തിൽ മാത്രമാണ് സംഭവിച്ചത്. ആഴം കുറഞ്ഞ ഭൂചലനങ്ങൾ ഉപരിതലത്തിൽ ശക്തമായ പ്രകമ്പനത്തിന് കാരണമാകുന്നതിനാൽ കൂടുതൽ അപകടകരമായി കണക്കാക്കപ്പെടുന്നു.
നവംബർ 4-ന് വടക്കൻ അഫ്ഗാനിസ്ഥാനിൽ ഉണ്ടായ 6.3 തീവ്രതയുള്ള ശക്തമായ ഭൂകമ്പത്തിന് ശേഷമാണ് ഈ ഭൂചലന പരമ്പരകൾ ഉണ്ടാകുന്നത്. നവംബറിലെ ഈ ഭൂചലനത്തിൽ കുറഞ്ഞത് 27 പേർ കൊല്ലപ്പെടുകയും നൂറുകണക്കിന് പേർക്ക് പരിക്കേൽക്കുകയും ചെയ്തിരുന്നു. ഇന്ത്യൻ, യുറേഷ്യൻ ടെക്റ്റോണിക് പ്ലേറ്റുകളുടെ കൂട്ടിയിടി മേഖലയിലാണ് അഫ്ഗാനിസ്ഥാൻ സ്ഥിതി ചെയ്യുന്നത്. കൂടാതെ, ഹിന്ദു കുഷ് മേഖല ഉയർന്ന ഭൂകമ്പ സാധ്യതയുള്ള പ്രദേശമാണ്.
An earthquake of magnitude 4.0 struck Afghanistan early Monday morning, marking the continuation of a series of tremors over the past week, including a 4.3 magnitude quake on December 10. The 4.0 tremor occurred at a depth of 22 km. This recent activity follows a powerful 6.3-magnitude earthquake on November 4 that resulted in at least 27 deaths and hundreds of injuries.