മദ്യപിച്ച് വാഹനമോടിച്ചു: ഡേവിഡ് വാർണറിനെ അറസ്റ്റ് ചെയ്തു, PSLനായി പാകിസ്താനിൽ തിരിച്ചെത്തി | David Warner

സിഡ്‌നി: മുൻ ഓസ്‌ട്രേലിയൻ ക്രിക്കറ്റ് താരം ഡേവിഡ് വാർണറെ മദ്യപിച്ച് വാഹനമോടിച്ചതിന് സിഡ്‌നിയിൽ പോലീസ് പിടികൂടി. സിഡ്‌നിയിലെ മരൂബ്രയിൽ നടന്ന പതിവ് പരിശോധനയ്ക്കിടെയാണ് മുപ്പത്തൊൻപതുകാരനായ വാർണർ കുടുങ്ങിയത്. പരിശോധനാ കേന്ദ്രത്തിന് തൊട്ടുമുമ്പായി വാർണർ വാഹനം ഒതുക്കി നിർത്താൻ ശ്രമിച്ചെങ്കിലും സംശയം തോന്നിയ പോലീസ് ഉദ്യോഗസ്ഥർ വാഹനം പരിശോധിക്കുകയായിരുന്നു.(Drunk driving, David Warner arrested, returns to Pakistan but must appear in court )

തുടർന്ന് നടത്തിയ ശ്വാസപരിശോധനയിൽ താരം മദ്യപിച്ചതായി കണ്ടെത്തി. മരൂബ്ര പോലീസ് സ്റ്റേഷനിൽ എത്തിച്ച് നടത്തിയ വിശദമായ പരിശോധനയിൽ രക്തത്തിലെ മദ്യത്തിന്റെ അളവ് 0.104 ആണെന്ന് തെളിഞ്ഞു. ഇതേത്തുടർന്ന് വാർണറെ അറസ്റ്റ് ചെയ്യുകയും കേസ് രജിസ്റ്റർ ചെയ്യുകയും ചെയ്തു. അടുത്ത മാസം താരം കോടതിയിൽ ഹാജരാകേണ്ടി വരും.

നിലവിൽ പാകിസ്താൻ സൂപ്പർ ലീഗിൽ കറാച്ചി കിംഗ്‌സിന്റെ നായകനാണ് വാർണർ. ടൂർണമെന്റിലെ മത്സരങ്ങൾക്കിടയിലുള്ള ഏതാനും ദിവസത്തെ ഇടവേളയിലാണ് താരം നാട്ടിലെത്തിയത്. ഏപ്രിൽ 9-ന് നടക്കുന്ന അടുത്ത മത്സരത്തിന് മുന്നോടിയായി വാർണർ പാകിസ്താനിലേക്ക് തിരിക്കുമെന്നാണ് കരുതപ്പെടുന്നത്.