വാഷിംഗ്ടൺ: ക്രിസ്മസ് ദിനത്തിൽ ലോകമെമ്പാടുമുള്ള ആളുകൾക്ക് സമാധാനത്തിന്റെ സന്ദേശം നൽകുമ്പോൾ, രാഷ്ട്രീയ ശത്രുക്കൾക്കെതിരെ രൂക്ഷമായ ഭാഷയിൽ ആക്രോശിച്ചാണ് ഡൊണാൾഡ് ട്രംപ് (Donald Trump) വാർത്തകളിൽ ഇടംപിടിക്കുന്നത്. "രാജ്യത്തെ നശിപ്പിക്കാൻ ശ്രമിക്കുന്ന തീവ്ര ഇടതുപക്ഷ മാലിന്യങ്ങൾ ഉൾപ്പെടെ എല്ലാവർക്കും ക്രിസ്മസ് ആശംസകൾ നേരുന്നു" എന്നാണ് ട്രംപ് തന്റെ ഔദ്യോഗിക സന്ദേശത്തിൽ കുറിച്ചത്.
തന്റെ ഭരണത്തെ തകർക്കാൻ ശ്രമിക്കുന്നവർ പരാജയപ്പെട്ടുകൊണ്ടിരിക്കുകയാണെന്ന് ട്രംപ് അവകാശപ്പെട്ടു. മുൻ വർഷങ്ങളിലും എതിരാളികളെ 'ഭ്രാന്തന്മാർ' എന്നും മറ്റും വിളിച്ച് അദ്ദേഹം സമാനമായ രീതിയിൽ ആശംസകൾ നേർന്നിരുന്നു. അമേരിക്ക ഇപ്പോൾ ലോകരാജ്യങ്ങൾക്കിടയിൽ കൂടുതൽ ബഹുമാനിക്കപ്പെടുന്നുവെന്ന് അദ്ദേഹം അവകാശപ്പെട്ടു. ഓപ്പൺ ബോർഡർ നയങ്ങൾക്കും കായികരംഗത്തെ ട്രാൻസ്ജെൻഡർ പങ്കാളിത്തത്തിനും തന്റെ ഭരണത്തിൻ കീഴിൽ അന്ത്യമായെന്ന് അദ്ദേഹം പറഞ്ഞു.
രാജ്യം റെക്കോർഡ് സ്റ്റോക്ക് മാർക്കറ്റ് വളർച്ചയും 4.3 ശതമാനം ജിഡിപി നിരക്കും കൈവരിച്ചതായി ട്രംപ് അവകാശപ്പെട്ടു. പണപ്പെരുപ്പമില്ലാത്ത സാമ്പത്തിക വ്യവസ്ഥയാണ് നിലവിലുള്ളതെന്നും തന്റെ വ്യാപാര നയങ്ങൾ ട്രില്യൺ കണക്കിന് ഡോളറിന്റെ ലാഭം രാജ്യത്തിന് നൽകിയെന്നും അദ്ദേഹം കൂട്ടിചേർത്തു. ദേശീയ സുരക്ഷ മുമ്പെങ്ങുമില്ലാത്തവിധം കരുത്താർജ്ജിച്ചുവെന്ന് പറഞ്ഞ ട്രംപ്, "ദൈവം അമേരിക്കയെ അനുഗ്രഹിക്കട്ടെ" എന്ന് കുറിച്ചുകൊണ്ടാണ് സന്ദേശം അവസാനിപ്പിച്ചത്.
US President Donald Trump sparked controversy with a combative Christmas message on Truth Social, extending greetings to everyone, including what he termed as "Radical Left Scum." While using the holiday platform to attack political rivals, he claimed that his administration has brought record economic growth, with a 4.3% GDP rate and a thriving stock market.