വാഷിംഗ്ടൺ: വെനസ്വേലയിൽ (Venezuela) നിന്നുള്ള ക്രിയാത്മകമായ സഹകരണത്തെത്തുടർന്ന് രാജ്യാന്തരതലത്തിൽ ഉറ്റുനോക്കിയിരുന്ന രണ്ടാംഘട്ട സൈനികാക്രമണം അമേരിക്കൻ പ്രസിഡന്റ് ഡൊണാൾഡ് ട്രംപ് റദ്ദാക്കി. വെനസ്വേലൻ പ്രസിഡന്റ് നിക്കോളാസ് മഡുറോയെ കഴിഞ്ഞയാഴ്ച യുഎസ് സൈന്യം പിടികൂടിയതിന് പിന്നാലെ മേഖലയിൽ നിലനിന്നിരുന്ന കടുത്ത യുദ്ധഭീതിക്ക് ഇതോടെ നേരിയ ശമനമായി.
വെനസ്വേലൻ ഭരണകൂടം തടവിലാക്കിയിരുന്ന നിരവധി രാഷ്ട്രീയ തടവുകാരെ മോചിപ്പിച്ചത് സമാധാനത്തിനായുള്ള സൂചനയായി കാണുന്നുവെന്ന് ട്രംപ് തന്റെ സോഷ്യൽ മീഡിയ പ്ലാറ്റ്ഫോമായ 'ട്രൂത്ത് സോഷ്യൽ' വഴി അറിയിച്ചു. "ഇത് വളരെ പ്രധാനപ്പെട്ടതും ബുദ്ധിപരവുമായ നീക്കമാണ്. വെനസ്വേലയുടെ എണ്ണ-വാതക അടിസ്ഥാന സൗകര്യങ്ങൾ നവീകരിക്കുന്നതിനായി ഇരുരാജ്യങ്ങളും ഇപ്പോൾ സഹകരിച്ച് പ്രവർത്തിക്കുന്നു," ട്രംപ് കുറിച്ചു.
സൈനികാക്രമണം റദ്ദാക്കിയെങ്കിലും സുരക്ഷാ മുൻകരുതലിന്റെ ഭാഗമായി അമേരിക്കൻ യുദ്ധക്കപ്പലുകൾ വെനസ്വേലൻ തീരത്ത് തുടരുമെന്നും അദ്ദേഹം വ്യക്തമാക്കി. വെനസ്വേലയുടെ തകർന്ന എണ്ണമേഖല പുനർനിർമ്മിക്കാൻ അമേരിക്കൻ കമ്പനികൾ കുറഞ്ഞത് 100 ബില്യൺ ഡോളർ നിക്ഷേപിക്കുമെന്നും ട്രംപ് പ്രഖ്യാപിച്ചു. ഇതിന്റെ ഭാഗമായി വെള്ളിയാഴ്ച വൈറ്റ് ഹൗസിൽ പ്രമുഖ എണ്ണക്കമ്പനികളുടെ മേധാവികളുമായി അദ്ദേഹം കൂടിക്കാഴ്ച നടത്തും. വെനസ്വേലയിലെ പുതിയ ഇടക്കാല പ്രസിഡന്റായി ചുമതലയേറ്റ ഡെൽസി റോഡ്രിഗസുമായി അമേരിക്കൻ ഭരണകൂടം സഹകരിച്ച് വരികയാണെന്നാണ് റിപ്പോർട്ടുകൾ.
US President Donald Trump has called off a planned second wave of military strikes on Venezuela, citing positive cooperation and the release of political prisoners by the interim government. Following the capture of Nicolas Maduro, the US is now shifting focus toward rebuilding Venezuela's energy sector, with plans for American oil firms to invest billions in the country's infrastructure. While tensions remain, the administration is engaging in talks with interim leaders and preparing for high-level diplomatic meetings in Washington next week.