മിയാമി: ഫ്ലോറിഡയിലെ ട്രംപിൻ്റെ പ്രധാന രാഷ്ട്രീയ ശക്തികേന്ദ്രമായ, ഹിസ്പാനിക് ഭൂരിപക്ഷ നഗരമായ മിയാമിയിൽ, ഡെമോക്രാറ്റിക് സ്ഥാനാർത്ഥിയായ ഐലീൻ ഹിഗ്ഗിൻസ് (Eileen Higgins) മേയറായി തിരഞ്ഞെടുക്കപ്പെട്ടു. ഏകദേശം മൂന്ന് പതിറ്റാണ്ടിനിടെ മിയാമി മേയറാകുന്ന ആദ്യത്തെ ഡെമോക്രാറ്റാണ് ഹിഗ്ഗിൻസ്.
മുൻ മിയാമി-ഡേഡ് കൗണ്ടി കമ്മീഷണറായ ഹിഗ്ഗിൻസ്, പ്രസിഡൻ്റ് ഡൊണാൾഡ് ട്രംപ് പിന്തുണച്ച റിപ്പബ്ലിക്കൻ സ്ഥാനാർത്ഥി എമിലിയോ ഗോൺസാലസിനെ 18 ശതമാനം പോയിൻ്റിൻ്റെ ഭൂരിപക്ഷത്തിൽ പരാജയപ്പെടുത്തി. സാധാരണയായി ദേശീയ ശ്രദ്ധ നേടാത്ത ഒരു പ്രാദേശിക മത്സരമായിരുന്നിട്ടും, ട്രംപിൻ്റെ രാഷ്ട്രീയ തട്ടകത്തിലെ വോട്ടർ വികാരത്തിൻ്റെ പ്രധാന പരീക്ഷണമായി ഈ തിരഞ്ഞെടുപ്പ് ഉയർത്തിക്കാട്ടപ്പെട്ടു.
ഹിഗ്ഗിൻസിൻ്റെ വിജയം ഡെമോക്രാറ്റുകൾക്ക് കൂടുതൽ ആത്മവിശ്വാസം നൽകുന്നു. 2024 ലെ പ്രസിഡൻ്റ് തിരഞ്ഞെടുപ്പിൽ ട്രംപിന് ലഭിച്ച ഹിസ്പാനിക് പിന്തുണയിൽ ഇളക്കം സംഭവിച്ചോ എന്ന റിപ്പബ്ലിക്കൻ ആശങ്ക വർദ്ധിപ്പിക്കാനും ഈ വിജയം കാരണമായി. 1997-ന് ശേഷം മിയാമി മേയർ സ്ഥാനത്തേക്ക് വിജയിക്കുന്ന ആദ്യ ഡെമോക്രാറ്റാണ് ഹിഗ്ഗിൻസ്. ഏകദേശം 4,87,000 ജനസംഖ്യയുള്ള ഈ നഗരത്തിൻ്റെ മേയറാകുന്ന ആദ്യ വനിതയും, 1990-കൾക്ക് ശേഷം തിരഞ്ഞെടുക്കപ്പെടുന്ന ആദ്യ നോൺ-ഹിസ്പാനിക് സ്ഥാനാർത്ഥിയുമാണ് അവർ.
Democrat Eileen Higgins was elected Mayor of Miami, making her the first member of her party to win the role in nearly three decades. Higgins defeated her Republican opponent, Emilio Gonzalez (who was backed by President Donald Trump), by an 18-percentage-point margin in the runoff election.