ജക്കാർത്ത: ചുഴലിക്കാറ്റ് മൂലമുണ്ടായ കനത്ത മഴയെത്തുടർന്ന് ഇന്തോനേഷ്യയിൽ (Indonesia) ഉണ്ടായ വെള്ളപ്പൊക്കത്തിലും മണ്ണിടിച്ചിലിലും മരണസംഖ്യ 248 ആയി ഉയർന്നതായി അധികൃതർ അറിയിച്ചു. പടിഞ്ഞാറൻ സുമാത്രയിലെ അഗം ജില്ലയിൽ രക്ഷാപ്രവർത്തകർ കൂടുതൽ മൃതദേഹങ്ങൾ കണ്ടെത്തിയതോടെയാണ് മരണസംഖ്യ വർധിച്ചത്. നിലവിൽ നൂറിലധികം ആളുകളെ കാണാനില്ലെന്നും, 500-ൽ അധികം പേർക്ക് പരിക്കേറ്റിട്ടുണ്ടെന്നും ഇന്തോനേഷ്യൻ ദേശീയ ദുരന്ത നിവാരണ ഏജൻസി അറിയിച്ചു. പടിഞ്ഞാറൻ സുമാത്രയിൽ മാത്രം 75,219 പേരെ മാറ്റിപ്പാർപ്പിക്കുകയും 1,06,806 പേരെ പ്രളയം ബാധിക്കുകയും ചെയ്തു. വടക്കൻ സുമാത്രയിൽ 116 പേരും ആച്ചെ പ്രവിശ്യയിൽ 35 പേരും മരിച്ചതായി സ്ഥിരീകരിച്ചിട്ടുണ്ട്.
മലായ് പെനിൻസുലയ്ക്കും സുമാത്രയ്ക്കും ഇടയിലുള്ള മലേഷ്യൻ കടലിടുക്കിൽ രൂപംകൊണ്ട ഉഷ്ണമേഖലാ കൊടുങ്കാറ്റിനെ തുടർന്നാണ് ഇന്തോനേഷ്യ, മലേഷ്യ, തായ്ലൻഡ് എന്നിവിടങ്ങളിൽ ദിവസങ്ങളോളം കനത്ത മഴ പെയ്തത്. ഈ മൂന്ന് രാജ്യങ്ങളിലുമായി ഏകദേശം 400 പേരാണ് മരിച്ചത്. തായ്ലൻഡിലെ എട്ട് തെക്കൻ പ്രവിശ്യകളിൽ മാത്രം 145 പേർ മരിച്ചു. മലേഷ്യയിൽ രണ്ട് പേർ മരിച്ചു. ഇന്തോനേഷ്യയിൽ കനത്ത മഴയെ തുടർന്ന് നദികൾ കരകവിഞ്ഞൊഴുകി ഗ്രാമങ്ങളെ തകർക്കുകയും ആയിരക്കണക്കിന് വീടുകളും കെട്ടിടങ്ങളും വെള്ളത്തിനടിയിലാക്കുകയും ചെയ്തു. തകർന്ന റോഡുകളും ആശയവിനിമയ ബന്ധം നിലച്ചതും കാരണം ദുരിതബാധിത പ്രദേശങ്ങളിൽ രക്ഷാപ്രവർത്തനങ്ങൾ മന്ദഗതിയിലാണ്. ഏറ്റവും കൂടുതൽ നാശനഷ്ടമുണ്ടായ വടക്കൻ സുമാത്രയിലെ സെൻട്രൽ തപനൂലി ജില്ലയിൽ സഹായവും സാധനങ്ങളും എത്തിക്കാൻ ദുരിതാശ്വാസ വിമാനങ്ങൾ ശ്രമിച്ചുകൊണ്ടിരിക്കുകയാണ്.
The death toll from catastrophic cyclone-driven flooding and landslides in Sumatra, Indonesia, has risen to 248, with over 100 people still missing, according to the National Disaster Management Agency. The torrential rains, which also affected Malaysia and Thailand, have killed approximately 400 people across the three countries.