വാഷിംഗ്ടൺ: ഗ്രീൻലാൻഡ് യുണൈറ്റഡ് സ്റ്റേറ്റ്സിന്റെ ഭാഗമാക്കേണ്ടത് തികച്ചും അനാവശ്യമായ കാര്യമാണെന്ന് ഡാനിഷ് വിദേശകാര്യമന്ത്രി ലാർസ് ലോക്കെ റാസ്മുസെൻ വ്യക്തമാക്കി (Greenland Dispute). യുഎസ് വൈസ് പ്രസിഡന്റ് ജെ.ഡി. വാൻസുമായി വാഷിംഗ്ടണിൽ നടത്തിയ ചർച്ചയ്ക്ക് ശേഷമാണ് അദ്ദേഹം ഈ പ്രസ്താവന നടത്തിയത്. ആർട്ടിക് മേഖലയിലെ പുതിയ സുരക്ഷാ സാഹചര്യങ്ങൾ കണക്കിലെടുത്ത് സഹകരിക്കാൻ തയ്യാറാണെങ്കിലും, ഗ്രീൻലാൻഡിന്റെ ഉടമസ്ഥാവകാശം അമേരിക്കയ്ക്ക് നൽകുന്നതിനോട് ഡെന്മാർക്കും ഗ്രീൻലാൻഡും ശക്തമായ വിയോജിപ്പ് അറിയിച്ചു. ഗ്രീൻലാൻഡിന്റെ പരമാധികാരവും ഭൂപ്രദേശത്തിന്റെ അഖണ്ഡതയും സംരക്ഷിക്കപ്പെടേണ്ടത് അന്താരാഷ്ട്ര നിയമങ്ങളുടെ ഭാഗമാണെന്നും അദ്ദേഹം കൂട്ടിച്ചേർത്തു.
അതേസമയം, യുഎസ് പ്രസിഡന്റ് ഡൊണാൾഡ് ട്രംപ് ഗ്രീൻലാൻഡിന് മേൽ കടുത്ത താല്പര്യം തുടരുകയാണ്. അമേരിക്കയുടെ ദേശീയ സുരക്ഷയ്ക്കും, നിർമ്മാണത്തിലിരിക്കുന്ന 'ഗോൾഡൻ ഡോം' മിസൈൽ പ്രതിരോധ സംവിധാനത്തിനും ഗ്രീൻലാൻഡ് അത്യന്താപേക്ഷിതമാണെന്ന് ട്രംപ് വാദിക്കുന്നു. അമേരിക്ക ഗ്രീൻലാൻഡ് ഏറ്റെടുത്തില്ലെങ്കിൽ റഷ്യയോ ചൈനയോ ആ പ്രദേശം കൈക്കലാക്കുമെന്നും അത് നാറ്റോ സഖ്യത്തിന് ഭീഷണിയാകുമെന്നും അദ്ദേഹം സോഷ്യൽ മീഡിയയിലൂടെ മുന്നറിയിപ്പ് നൽകി. എന്നാൽ, ഗ്രീൻലാൻഡ് അവിടുത്തെ ജനങ്ങളുടേതാണെന്നും അവരുടെ താല്പര്യങ്ങൾക്കാണ് മുൻഗണനയെന്നും യൂറോപ്യൻ യൂണിയനും ഫ്രാൻസ് ഉൾപ്പെടെയുള്ള രാജ്യങ്ങളും ഡെന്മാർക്കിന് പിന്തുണയുമായി രംഗത്തെത്തിയിട്ടുണ്ട്.
Danish Foreign Minister Lars Løkke Rasmussen firmly rejected U.S. President Donald Trump's push to acquire Greenland, calling it "absolutely not necessary" after meetings with Vice President JD Vance. While acknowledging the shifting security landscape in the Arctic, Denmark emphasized respect for territorial sovereignty and red lines. Meanwhile, Trump insists that U.S. control of the territory is vital for national security and his "Golden Dome" missile defense project, warning that without U.S. intervention, Russia or China might seize control.