ബീജിംഗ്: വിദേശ രാജ്യങ്ങളിൽ നിന്നുള്ള പോത്തിറച്ചി ഇറക്കുമതിക്ക് 55 ശതമാനം അധിക തീരുവ ഏർപ്പെടുത്താൻ ചൈന തീരുമാനിച്ചു (China Beef Tariffs). അമേരിക്ക, ബ്രസീൽ, ഓസ്ട്രേലിയ, അർജന്റീന, ഉറുഗ്വേ, ന്യൂസിലാൻഡ് എന്നീ രാജ്യങ്ങളിൽ നിന്നുള്ള ഇറക്കുമതി നിശ്ചിത ക്വാട്ടയ്ക്ക് മുകളിൽ പോയാലാണ് ഈ അധിക നികുതി ഈടാക്കുക. 2026 ജനുവരി 1 മുതൽ മൂന്ന് വർഷത്തേക്കാണ് ഈ പുതിയ നിയന്ത്രണം പ്രാബല്യത്തിൽ വരിക.
ചൈനയുടെ ആഭ്യന്തര പോത്തിറച്ചി വ്യവസായത്തെ സംരക്ഷിക്കുന്നതിന്റെ ഭാഗമായാണ് ഈ നടപടിയെന്ന് ചൈനീസ് വാണിജ്യ മന്ത്രാലയം വ്യക്തമാക്കി. വിദേശത്ത് നിന്നുള്ള ഇറക്കുമതി കൂടിയത് തദ്ദേശീയ കർഷകരെയും ഉൽപ്പാദകരെയും ദോഷകരമായി ബാധിക്കുന്നുവെന്ന കണ്ടെത്തലിനെ തുടർന്നാണ് തീരുമാനം. എന്നാൽ മൊത്തം ഇറക്കുമതി വിഹിതത്തിന്റെ 3 ശതമാനത്തിൽ താഴെ മാത്രം പങ്കാളിത്തമുള്ള രാജ്യങ്ങളെ ഈ നിയന്ത്രണത്തിൽ നിന്ന് ഒഴിവാക്കിയിട്ടുണ്ട്.
അമേരിക്കയുമായുള്ള വ്യാപാര തർക്കം നിലനിൽക്കുന്ന പശ്ചാത്തലത്തിൽ, ചൈനയുടെ ഈ നീക്കം ആഗോള വിപണിയിൽ വലിയ ചലനങ്ങൾ ഉണ്ടാക്കാൻ സാധ്യതയുണ്ട്. ലോകത്തെ ഏറ്റവും വലിയ പോത്തിറച്ചി ഇറക്കുമതി രാജ്യങ്ങളിലൊന്നാണ് ചൈന. ബ്രസീൽ, ഓസ്ട്രേലിയ തുടങ്ങിയ രാജ്യങ്ങളുടെ പ്രധാന വിപണിയും ചൈനയാണ്.
China has announced an additional 55% tariff on beef imports from countries including Brazil, the United States, Argentina, and Australia if shipments exceed designated annual quotas. Effective January 1, 2026, for a period of three years, the measure aims to protect China's domestic beef industry from the surge of low-cost imports. This move escalates trade tensions, particularly with the U.S., while targeting major global exporters who rely heavily on the Chinese market.