വാഷിംഗ്ടൺ: ചൈന (China) തങ്ങളുടെ പുതിയ മിസൈൽ സിലോകളിൽ നൂറിലധികം ഭൂഖണ്ഡാന്തര ബാലിസ്റ്റിക് മിസൈലുകൾ സജ്ജമാക്കിയതായി പെന്റഗണിന്റെ റിപ്പോർട്ട്. ചൈനീസ് അതിർത്തിയോട് ചേർന്നുള്ള മംഗോളിയൻ അതിർത്തി മേഖലകളിലെ മൂന്ന് പ്രധാന സിലോ ഫീൽഡുകളിലായി DF-31 വിഭാഗത്തിൽപ്പെട്ട മിസൈലുകളാണ് വിന്യസിച്ചിരിക്കുന്നത്. ഇതുസംബന്ധിച്ച പെന്റഗണിന്റെ കരട് റിപ്പോർട്ട് പുറത്തുവന്നതോടെ ആഗോള സുരക്ഷാ ആശങ്കകൾ വർദ്ധിച്ചിരിക്കുകയാണ്.
മറ്റ് ആണവായുധ ശക്തികളേക്കാൾ വേഗത്തിലാണ് ചൈന തങ്ങളുടെ ആയുധശേഖരം ആധുനികവൽക്കരിക്കുന്നതെന്ന് റിപ്പോർട്ട് വ്യക്തമാക്കുന്നു. 2024-ൽ ചൈനയുടെ പക്കൽ 600-ഓളം ആണവവാർഹെഡുകൾ ഉണ്ടായിരുന്നുവെന്നും 2030-ഓടെ ഇത് 1,000 കടക്കുമെന്നും പെന്റഗൺ കണക്കാക്കുന്നു. എന്നാൽ, ആണവായുധ നിയന്ത്രണ ചർച്ചകളിൽ ഏർപ്പെടാൻ ബീജിംഗിന് താൽപ്പര്യമില്ലെന്നാണ് സൂചന. ആണവ നിരായുധീകരണത്തിനായി ചൈനയും റഷ്യയുമായി ചേർന്ന് പ്രവർത്തിക്കാൻ അമേരിക്കൻ പ്രസിഡന്റ് ഡൊണാൾഡ് ട്രംപ് താൽപ്പര്യം പ്രകടിപ്പിച്ചിരുന്നെങ്കിലും ഇതിനോട് ചൈന അനുകൂലമായി പ്രതികരിച്ചിട്ടില്ല.
2027 അവസാനത്തോടെ തായ്വാനെതിരായ യുദ്ധം വിജയിക്കാൻ ലക്ഷ്യമിട്ടാണ് ചൈനയുടെ ഇപ്പോഴത്തെ സൈനിക നീക്കങ്ങൾ. തായ്വാനെ 'ബലംപ്രയോഗിച്ച്' പിടിച്ചെടുക്കാനുള്ള പദ്ധതികൾ ചൈന പരിഷ്കരിച്ചുകൊണ്ടിരിക്കുകയാണെന്നും ഏഷ്യാ-പസഫിക് മേഖലയിലെ അമേരിക്കയുടെ സാന്നിധ്യത്തെ വെല്ലുവിളിക്കാൻ ചൈനയ്ക്ക് സാധിക്കുമെന്നും റിപ്പോർട്ട് മുന്നറിയിപ്പ് നൽകുന്നു. അതേസമയം, തങ്ങളുടെ സൈനിക നടപടികളെ അപകീർത്തിപ്പെടുത്താനുള്ള നീക്കമാണിതെന്ന് ചൈനീസ് എംബസി പ്രതികരിച്ചു.
A draft Pentagon report reveals that China has likely loaded over 100 DF-31 intercontinental ballistic missiles (ICBMs) into new silo fields near the Mongolian border. While China's nuclear warhead stockpile was around 600 in 2024, it is on track to exceed 1,000 by 2030, marking the fastest expansion among nuclear powers. The report also highlights Beijing's lack of interest in arms control talks and its strategic goal to be combat-ready for a potential takeover of Taiwan by 2027.