വാഷിംഗ്ടൺ ഡിസി: ഇന്ത്യ-പാകിസ്ഥാൻ സംഘർഷത്തിന് ശേഷം ഇന്ത്യയിലേക്കുള്ള ഫ്രഞ്ച് റഫാൽ (Rafale) വിമാനങ്ങളുടെ വിൽപ്പന തടസ്സപ്പെടുത്താൻ ലക്ഷ്യമിട്ട് ചൈന ഒരു വ്യാജപ്രചാരണ കാമ്പെയ്ൻ നടത്തിയതായി അമേരിക്ക. യുഎസ്-ചൈന സാമ്പത്തിക, സുരക്ഷാ അവലോകന കമ്മീഷൻ്റെ റിപ്പോർട്ടിലാണ് ഈ വെളിപ്പെടുത്തൽ. പാകിസ്ഥാനുമായുള്ള അതിർത്തി സംഘർഷത്തെത്തുടർന്ന്, റഫാൽ വിമാനങ്ങളുടെ വിൽപ്പന തടസ്സപ്പെടുത്തി പകരം സ്വന്തം J-35s യുദ്ധവിമാനങ്ങൾ വിൽക്കാൻ പ്രേരിപ്പിക്കുക എന്ന ലക്ഷ്യത്തോടെയാണ് ചൈന വ്യാജ പ്രചാരണം നടത്തിയത്.
ചൈനീസ് ആയുധങ്ങൾ നശിപ്പിച്ച റാഫേൽ വിമാനങ്ങളുടെ അവശിഷ്ടങ്ങളാണെന്ന് അവകാശപ്പെടുന്ന കൃത്രിമബുദ്ധി ഉപയോഗിച്ച് സൃഷ്ടിച്ച വ്യാജ ചിത്രങ്ങൾ പ്രചരിപ്പിക്കാൻ ചൈന വ്യാജ സോഷ്യൽ മീഡിയ അക്കൗണ്ടുകൾ ഉപയോഗിച്ചതായും റിപ്പോർട്ടിൽ പറയുന്നു. കൂടാതെ, റാഫേൽ വിമാനങ്ങളുടെ വാങ്ങാനുള്ള ഇന്തോനേഷ്യയുടെ ശ്രമങ്ങളിൽ ചൈനീസ് എംബസി ഉദ്യോഗസ്ഥർ ഇടപെട്ടുവെന്നും ഇത് മേഖലയിലെ മറ്റ് രാജ്യങ്ങളിലെ സൈനിക സംഭരണത്തിൽ ചൈനയുടെ സ്വാധീനം വർദ്ധിപ്പിച്ചതായും റിപ്പോർട്ട് ചൂണ്ടിക്കാട്ടി.
2024 അവസാനത്തിലും 2025 ന്റെ തുടക്കത്തിലും ചൈന-പാകിസ്ഥാൻ പ്രതിരോധ സഹകരണം വർദ്ധിച്ചതായും റിപ്പോർട്ട് ചൂണ്ടിക്കാട്ടി. 2025 ജൂണിൽ, പാകിസ്ഥാന് 40 J-35 അഞ്ചാം തലമുറ യുദ്ധവിമാനങ്ങൾ, KJ-500 വിമാനങ്ങൾ, ബാലിസ്റ്റിക് മിസൈൽ പ്രതിരോധ സംവിധാനങ്ങൾ എന്നിവ വിൽക്കാൻ ചൈന വാഗ്ദാനം ചെയ്തതായും റിപ്പോർട്ടിൽ പറയുന്നു.
A new U.S. assessment claims that China launched a disinformation campaign following the India-Pakistan border conflict to disrupt the sale of French Rafale aircraft to India, promoting its own J-35s fighter jets instead.