ബീജിംഗ്: വെനസ്വേലൻ പ്രസിഡന്റ് നിക്കോളാസ് മഡൂറോയെ അമേരിക്കൻ സൈന്യം പിടികൂടിയ നടപടിയെ രൂക്ഷമായി വിമർശിച്ച് ചൈന (Nicolas Maduro Capture). ഒരു രാജ്യവും ലോകത്തിന്റെ ജഡ്ജിയായി ചമയുന്നത് അംഗീകരിക്കാനാവില്ലെന്ന് ചൈനീസ് വിദേശകാര്യ മന്ത്രി വാങ് യി വ്യക്തമാക്കി. പാകിസ്ഥാൻ വിദേശകാര്യ മന്ത്രി ഇഷാഖ് ദാറുമായി ബീജിംഗിൽ നടത്തിയ കൂടിക്കാഴ്ചയ്ക്കിടെയാണ് അമേരിക്കയുടെ പേരെടുത്തു പറയാതെ അദ്ദേഹം തന്റെ പ്രതിഷേധം അറിയിച്ചത്.
അന്താരാഷ്ട്ര നിയമങ്ങൾ അനുസരിച്ച് എല്ലാ രാജ്യങ്ങളുടെയും പരമാധികാരവും സുരക്ഷയും പൂർണ്ണമായും സംരക്ഷിക്കപ്പെടണമെന്ന് വാങ് യി പറഞ്ഞു. ലോക പോലീസ് ചമയാൻ ആർക്കും അവകാശമില്ലെന്നും അദ്ദേഹം കൂട്ടിച്ചേർത്തു. വെനസ്വേലയുമായി അടുത്ത നയതന്ത്ര-സാമ്പത്തിക ബന്ധം പുലർത്തുന്ന ചൈനയ്ക്ക് മഡൂറോയുടെ അറസ്റ്റ് വലിയ തിരിച്ചടിയാണ് നൽകിയിരിക്കുന്നത്. വെനസ്വേലയുടെ എണ്ണ വ്യവസായത്തിൽ കോടിക്കണക്കിന് ഡോളറിന്റെ നിക്ഷേപമാണ് ചൈന നടത്തിയിട്ടുള്ളത്. അമേരിക്കയുടെ നടപടി അന്താരാഷ്ട്ര തലത്തിൽ വലിയ നയതന്ത്ര പ്രതിസന്ധിക്ക് കാരണമാകുമെന്നാണ് ചൈനയുടെ വിലയിരുത്തൽ.
China has strongly criticized the U.S. capture of Venezuelan President Nicolas Maduro, stating that no nation should act as the "world's judge." Foreign Minister Wang Yi emphasized that the sovereignty of all countries must be protected under international law. This development is seen as a significant blow to Beijing, which holds massive economic investments and a strategic partnership with Venezuela.