ബെയ്ജിങ്: തായ്‌വാന് സമീപമുള്ള ദ്വീപിൽ മിസൈലുകൾ വിന്യസിക്കാൻ പദ്ധതിയുമായി ജപ്പാൻ. ജപ്പാന്റെ ഈ നീക്കം പ്രാദേശിക സംഘർഷം സൃഷ്ടിക്കാനും സൈനിക ഏറ്റുമുട്ടൽ പ്രകോപിപ്പിക്കാനും മനഃപൂർവം നടത്തുന്ന ശ്രമമാണെന്ന് ചൈന വിമർശിച്ചു. ഇരു രാജ്യങ്ങളും തമ്മിലുള്ള നയതന്ത്ര തർക്കം രൂക്ഷമാകുന്നതിനിടയിലാണ് ജപ്പാന്റെ പുതിയ ഒരുക്കങ്ങൾ നടത്തുന്നത്.(Japan- China)
ജപ്പാൻ പ്രധാനമന്ത്രി സനേ തകൈച്ചി, ചൈന തായ്‌വാനെ ആക്രമിച്ചാൽ സൈനികമായി പ്രതികരിക്കാൻ സാധ്യതയുണ്ട് എന്ന് പ്രസ്താവിച്ചിരുന്നു. ഈ പ്രസ്താവനയുടെ പശ്ചാത്തലത്തിൽ , ജപ്പാനിലെ വലതുപക്ഷ ശക്തികൾ ജപ്പാനെയും മേഖലയെയും ദുരന്തത്തിലേക്ക് നയിക്കുകയാണെന്ന് ചൈനീസ് വിദേശകാര്യ വക്താവ് മാവോ നിംഗ് പറഞ്ഞു. തങ്ങളുടെ "ദേശീയ പ്രാദേശിക പരമാധികാരം സംരക്ഷിക്കാൻ ചൈനയ്ക്ക് ദൃഢനിശ്ചയവും കഴിവും ഉണ്ട്" എന്നും അവർ കൂട്ടിച്ചേർത്തു. ജപ്പാൻ്റെ ഈ നീക്കം അത്യധികം അപകടകരമാണെന്നും സമീപ രാജ്യങ്ങൾക്കും അന്താരാഷ്ട്ര സമൂഹത്തിനും ഇത് ഗുരുതരമായ ആശങ്കയുണ്ടാക്കണമെന്നും മാവോ നിംഗ് പറഞ്ഞു
തായ്‌വാൻ്റെ കിഴക്കൻ തീരത്തുനിന്ന് ഏകദേശം 110 കിലോമീറ്റർ അകലെയുള്ള യോനാഗുനി ദ്വീപിലെ സൈനിക താവളത്തിൽ ഇടത്തരം ദൂരപരിധിയുള്ള സർഫസ്-ടു-എയർ മിസൈൽ യൂണിറ്റ് വിന്യസിക്കാനുള്ള പദ്ധതി "സ്ഥിരമായി മുന്നോട്ട് പോകുകയാണെന്ന്" ജപ്പാൻ പ്രതിരോധ മന്ത്രി ഷിൻജിറോ കൊയിസുമി ഞായറാഴ്ച അറിയിച്ചിരുന്നു.
യോനാഗുനി ദ്വീപ് തായ്‌വാനുമായി വളരെ അടുത്താണ് സ്ഥിതിചെയ്യുന്നത് എന്ന് ചൂണ്ടിക്കാട്ടി, ജപ്പാൻ തങ്ങളുടെ പ്രദേശത്തിൻ്റെ സുരക്ഷ ഉറപ്പാക്കാൻ നടപടികൾ എടുക്കുന്നതിൽ തായ്‌വാൻ ഉപ വിദേശകാര്യ മന്ത്രി ഫ്രാങ്കോയിസ് വു പിന്തുണ അറിയിച്ചു. ജപ്പാൻ്റെ ഈ നീക്കം "തായ്‌വാൻ കടലിടുക്കിലെ സുരക്ഷ നിലനിർത്തുന്നതിന് സഹായകമാണ്" എന്നും അദ്ദേഹം പറഞ്ഞു.
China condemned Japan's plan to deploy missiles on Yonaguni, an island just 110 km off Taiwan, calling it a deliberate attempt to "create regional tension and provoke military confrontation." Chinese Foreign Ministry spokesperson Mao Ning stated that right-wing forces in Japan are leading the region toward disaster and warned that Beijing is determined to safeguard its territorial sovereignty.