
ബീജിങ്: ട്രംപിന്റെ പകരച്ചുങ്കത്തിന് തിരിച്ചടിയുമായി ചൈന. ഇത്തവണ യു.എസ് ഉത്പന്നങ്ങള്ക്ക് 84 ശതമാനമായി നികുതി ഉയര്ത്തിയിരിക്കുകയാണ് ചൈന.നാളെ മുതൽ ചൈനയിലേക്ക് പ്രവേശിക്കുന്ന യു എസ് ഉത്പന്നങ്ങളുടെ തീരുവ 34% ൽ നിന്ന് 84% ആയി ഉയരുമെന്ന് സ്റ്റേറ്റ് കൗൺസിലിന്റെ താരിഫ് കമ്മീഷൻ ഓഫീസ് വ്യക്തമാക്കി.
യു.എസിലേക്ക് ഉത്പന്നങ്ങള് കയറ്റുമതി ചെയ്യുന്ന മിക്ക രാജ്യങ്ങള്ക്കും ട്രംപ് നികുതി ചുമത്തിയിരുന്നു. ഇതില് ഏറ്റവും കൂടുതല് നികുതി ചുമത്തിയത് ചൈനയ്ക്കെതിരെയാണ്. 104 ശതമാനം തീരുവയാണ് അമരിക്ക ചൈനയ്ക്ക് മേൽ അടിച്ചേൽപ്പിച്ചിരുന്നത്.ഇതോടെ വ്യാപാര യുദ്ധം കനക്കുകയും ആഗോള സാമ്പത്തിക മാന്ദ്യത്തിലേക്ക് ലോകം നീങ്ങുകയും ചെയ്തേക്കുമെന്ന ആശങ്കയും ശക്തമായിട്ടുണ്ട്.
അമേരിക്കയുടെ പകരത്തീരുവ നയം ഇന്ന് രാവിലെ മുതലാണ് പ്രാബല്യത്തിലായത്. ചൈനയും ഇന്ത്യയും അടക്കം 86 രാജ്യങ്ങൾക്കെതിരെയാണ് ട്രംപ് ഭീമൻ തീരുവകൾ ചുമത്തിയിരിക്കുന്നത്.