മെക്സിക്കോ സിറ്റി: മെക്സിക്കൻ മേയർ കാർലോസ് ആൽബെർട്ടോ മാൻസൊയുടെ (Carlos Alberto Manzo) കൊലപാതകവുമായി ബന്ധപ്പെട്ട് അദ്ദേഹത്തിന്റെ സുരക്ഷാ ഉദ്യോഗസ്ഥരായ ഏഴ് പേരെ പ്രോസിക്യൂട്ടർ ഓഫീസ് അറസ്റ്റ് ചെയ്തു. രാഷ്ട്രീയക്കാരന്റെ കൊലപാതകത്തിൽ "സാധ്യതയുള്ള പങ്കാളിത്തം" സംബന്ധിച്ച അന്വേഷണത്തിന്റെ ഭാഗമായാണ് സജീവ പോലീസ് ഉദ്യോഗസ്ഥരായ അംഗരക്ഷകരെ കസ്റ്റഡിയിലെടുത്തത്. മാൻസൊയുടെ മരണത്തിന് പിന്നിൽ സംഘടിത കുറ്റകൃത്യങ്ങളായിരിക്കാമെന്ന് പ്രാദേശിക, ഫെഡറൽ അധികാരികൾ മുമ്പ് സൂചിപ്പിച്ചിരുന്നു.
സംഘടിത കുറ്റകൃത്യങ്ങൾക്കെതിരായ പോരാട്ടത്തിന് പേരുകേട്ട ഉറുപാനിലെ മേയറായിരുന്നു 40 കാരനായ കാർലോസ് മാൻസോ. നവംബർ 1 ന്, ഒരു പ്രാദേശിക ആഘോഷത്തിൽ പങ്കെടുക്കുന്നതിനിടയിൽ, അദ്ദേഹത്തിന്റെ കുടുംബത്തിന്റെ മുന്നിൽ വെച്ച് കൊലപ്പെടുത്തുകയായിരുന്നു. കൊലപാതകം രാജ്യവ്യാപകമായ പ്രതിഷേധങ്ങൾക്കും മൈക്കോവാക്കൻ സംസ്ഥാനത്ത് ഫെഡറൽ സൈനികരെ വിന്യസിക്കുന്നതിനും കാരണമായി.
കൊലപാതകത്തിന് പിന്നിലെ സൂത്രധാരന്മാരിൽ ഒരാളായ ജോർജ് അർമാണ്ടോ "എൻ", എന്ന വ്യക്തിയെ കഴിഞ്ഞ ദിവസം പോലീസ് അറസ്റ്റ് ചെയ്തിരുന്നു. ഇയാൾ ഒരു കുപ്രസിദ്ധ മയക്കുമരുന്ന് കടത്ത് സംഘത്തിന്റെ തലവനാണ് എന്ന പോലീസ് സംശയിക്കുന്നു.
അറസ്റ്റിലാകുന്നതുവരെ, ഈ ഏഴ് അംഗരക്ഷകരും മാൻസോയുടെ ഭാര്യയും പുതിയ മേയറുമായ ഗ്രെസിയ ക്വിറോസിൻ്റെ സംരക്ഷണ ചുമതലയിൽ തുടരുകയായിരുന്നു. ഈ കൊലപാതകം പ്രസിഡൻ്റ് ക്ലോഡിയ ഷെയ്ൻബോമിൻ്റെ സുരക്ഷാ തന്ത്രങ്ങളിൽ മാറ്റം വരുത്താൻ കൂടുതൽ സമ്മർദ്ദമുണ്ടാക്കി. തുടർന്ന്, സംസ്ഥാനത്ത് 10,000 സൈനികരെ വിന്യസിക്കുന്നതുൾപ്പെടെയുള്ള 'പ്ലാൻ മിചോക്കാൻ' അവർ പ്രഖ്യാപിച്ചു.
Seven members of Mexican Mayor Carlos Manzo's security detail, who were active police officers, have been arrested as suspects in his assassination, which took place on November 1. The prosecutor's office is investigating their "probable involvement in the crime of qualified homicide," which authorities suspect was carried out by organized crime.