ന്യൂഡൽഹി: പാകിസ്ഥാനിലെ ക്വറ്റയിൽ ഉഗ്ര സ്ഫോടനം(Bomb blast). ക്വറ്റയിലെ സർഗൂൺ റോഡിലാണ് സ്ഫോടനം നടന്നത്. സ്ഫോടനത്തിൽ 6 പേർ കൊല്ലപ്പെട്ടു. 19 പേർക്ക് പരിക്കേൽക്കുകയും ചെയ്തു.
കനത്ത വെടിവയ്പ്പും ഉണ്ടായതായി റിപ്പോർട്ടുണ്ട്. സ്ഫോടനത്തെ തുടർന്ന് നഗരത്തിലെ ആശുപത്രികളിൽ അടിയന്തരാവസ്ഥ പ്രഖ്യാപിച്ചു.
സ്ഫോടനത്തിന്റെ ശക്തി വളരെ കൂടുതലായിരുന്നതിനാൽ സമീപത്തെ കെട്ടിടങ്ങളുടെ ജനലുകളും വാതിലുകളും തകർന്നു. പോലീസും രക്ഷാപ്രവർത്തകരും ഉടൻ സ്ഥലത്തെത്തി. സുരക്ഷാ സേന പ്രദേശം വളഞ്ഞതായാണ് വിവരം.