ചിക്കാഗോ: 2019-ൽ എത്യോപ്യയിൽ ഉണ്ടായ ബോയിംഗ് 737 MAX വിമാനാപകടത്തിൽ കൊല്ലപ്പെട്ട യുഎൻ പരിസ്ഥിതി പ്രവർത്തകയുടെ കുടുംബത്തിന് 28 മില്യൺ ഡോളറിലധികം (ഏകദേശം 233 കോടി രൂപ) നഷ്ടപരിഹാരം നൽകാൻ ജൂറി വിധിച്ചു. ചിക്കാഗോയിലെ ഫെഡറൽ കോടതിയിലാണ് വിധി പ്രസ്താവിച്ചത്. വിമാനാപകടവുമായി ബന്ധപ്പെട്ട ആദ്യ കേസിലെ വിധിയാണ് ശിഖ ഗാർഗിന്റെ കുടുംബത്തിന് അനുകൂലമായി വന്നിരിക്കുന്നത്.
ബുധനാഴ്ച രാവിലെ നടന്ന ഒത്തുതീർപ്പ് പ്രകാരം, വിധി തുകയായ 28 മില്യൺ ഡോളറിനൊപ്പം 26% പലിശയും ചേർത്ത് 35.85 മില്യൺ ഡോളർ (ഏകദേശം 298 കോടി രൂപ) ഗാർഗിന്റെ കുടുംബത്തിന് ലഭിക്കും. ഈ വിധിയിൽ ബോയിംഗ് അപ്പീൽ നൽകില്ലെന്നും കുടുംബത്തിന്റെ അഭിഭാഷകർ അറിയിച്ചു. എത്യോപ്യൻ എയർലൈൻസ് ഫ്ലൈറ്റ് 302 പറന്നുയർന്ന് മിനിറ്റുകൾക്ക് ശേഷം തകർന്നു വീഴുകയായിരുന്നു. വിമാനത്തിന്റെ രൂപകൽപ്പനയിൽ പിഴവുണ്ടെന്നും അതിന്റെ അപകടസാധ്യതകളെക്കുറിച്ച് യാത്രക്കാർക്ക് മുന്നറിയിപ്പ് നൽകുന്നതിൽ ബോയിംഗ് പരാജയപ്പെട്ടുവെന്നും കേസിൽ ആരോപിച്ചിരുന്നു. വിമാനത്തിലെ ഓട്ടോമേറ്റഡ് ഫ്ലൈറ്റ് കൺട്രോൾ സിസ്റ്റത്തിലെ തകരാർ കാരണമാണ് വിമാനാപകടത്തിലേക്ക് വഴിവച്ചത്.
A jury in Chicago federal court ordered Boeing to pay over $28 million to the family of Shikha Garg, a UN environmental worker killed in the 2019 Ethiopian Airlines 737 MAX crash.