ലണ്ടൻ: യുഎസ് പ്രസിഡന്റ് ഡൊണാൾഡ് ട്രംപ് നൽകിയ 10 ബില്യൺ ഡോളറിന്റെ (ഏകദേശം 83,000 കോടി രൂപ) മാനനഷ്ടക്കേസ് തള്ളണമെന്ന് ആവശ്യപ്പെട്ട് ബ്രിട്ടീഷ് ബ്രോഡ്കാസ്റ്ററായ ബിബിസി കോടതിയെ സമീപിച്ചു ( Trump BBC Lawsuit). 2021 ജനുവരി 6-ന് നടന്ന ക്യാപിറ്റോൾ ഹിൽ ആക്രമണത്തിന് ട്രംപ് പ്രേരിപ്പിച്ചു എന്ന് തോന്നിപ്പിക്കുന്ന തരത്തിൽ അദ്ദേഹത്തിന്റെ പ്രസംഗം എഡിറ്റ് ചെയ്ത് പ്രദർശിപ്പിച്ചു എന്നാണ് കേസ്. എന്നാൽ ഫ്ലോറിഡയിലെ കോടതിക്ക് ഈ കേസ് പരിഗണിക്കാൻ അധികാരപരിധിയില്ലെന്നും ട്രംപിന് വ്യക്തിപരമായ നാശനഷ്ടങ്ങൾ സംഭവിച്ചുവെന്ന് തെളിയിക്കാൻ കഴിയില്ലെന്നും ബിബിസി വാദിക്കുന്നു.
താൻ സമാധാനപരമായി പ്രതിഷേധിക്കാൻ ആവശ്യപ്പെട്ട ഭാഗം ഒഴിവാക്കി, അക്രമാസക്തമായ വാക്കുകൾ മാത്രം കോർത്തിണക്കിയാണ് ബിബിസി ഡോക്യുമെന്ററി പുറത്തിറക്കിയതെന്ന് ട്രംപ് ആരോപിച്ചിരുന്നു. എന്നാൽ എഡിറ്റിംഗിൽ സംഭവിച്ച പിഴവിന് ബിബിസി മുൻപ് മാപ്പ് പറഞ്ഞിരുന്നുവെങ്കിലും നിയമപരമായി കേസിനെ നേരിടാനാണ് നിലവിലെ തീരുമാനം. കേസ് തള്ളുന്നത് വരെ തെളിവ് ശേഖരണ നടപടികൾ നിർത്തിവെക്കണമെന്നും ബിബിസി കോടതിയിൽ ആവശ്യപ്പെട്ടിട്ടുണ്ട്.
The BBC has filed a motion to dismiss a $10 billion defamation lawsuit brought by U.S. President Donald Trump regarding an edited speech clip. The broadcaster argues that the Florida court lacks jurisdiction and that Trump failed to prove actual damages, especially since he was re-elected after the documentary aired. While the BBC previously apologized for the editing error in its Panorama program, it maintains that there was no "actual malice" involved in the publication.