ധാക്ക: ബംഗ്ലാദേശിൽ ന്യൂനപക്ഷങ്ങൾക്ക് നേരെയുള്ള അക്രമങ്ങൾ നിയന്ത്രണാതീതമാകുന്നു. ഡിസംബർ 31-ന് ഷരിയത്പൂർ ജില്ലയിൽ ഖോകൻ ദാസ് (50) എന്ന ഹിന്ദുവിനെ ഒരു സംഘം ആളുകൾ തടഞ്ഞുനിർത്തി മാരകായുധങ്ങളുമായി ആക്രമിക്കുകയും തുടർന്ന് തീയിടുകയും ചെയ്തു. ഗുരുതരമായി പരിക്കേറ്റ ഇദ്ദേഹം നിലവിൽ ചികിത്സയിലാണ്. ഒരാഴ്ചയ്ക്കിടെ ഹിന്ദു വിഭാഗത്തിൽപ്പെട്ടവർക്ക് നേരെ നടക്കുന്ന നാലാമത്തെ ക്രൂരമായ ആക്രമണമാണിതെന്ന് റിപ്പോർട്ടുകൾ സൂചിപ്പിക്കുന്നു. (Bangladesh Minority Attacks)
ബംഗ്ലാദേശിലെ ഇടക്കാല സർക്കാരിന് കീഴിൽ മതന്യൂനപക്ഷങ്ങൾ നേരിടുന്ന സുരക്ഷാ ഭീഷണിയുടെ ആഴം വ്യക്തമാക്കുന്നതാണ് ഈ സംഭവം. ഡിസംബർ 24 ന് ഹോസൈൻദംഗയിൽ അമൃത് മൊണ്ടൽ (29) എന്ന യുവാവിനെ ആൾക്കൂട്ടം തല്ലിക്കൊന്നു. ഡിസംബർ 18 ന് മൈമൻസിംഗിൽ ദീപു ചന്ദ്ര ദാസ് (25) എന്ന യുവാവിനെ മതനിന്ദ ആരോപിച്ച് ആൾക്കൂട്ടം കൊലപ്പെടുത്തുകയും മൃതദേഹം മരത്തിൽ കെട്ടിത്തൂക്കി തീയിടുകയും ചെയ്തു.
ഇന്ത്യ ഈ വിഷയത്തിൽ കടുത്ത ആശങ്ക രേഖപ്പെടുത്തിയിട്ടുണ്ട്. ബംഗ്ലാദേശിലെ ഹിന്ദുക്കൾ, ക്രിസ്ത്യാനികൾ, ബുദ്ധമതക്കാർ എന്നിവർക്കെതിരെ തുടർച്ചയായുണ്ടാകുന്ന ശത്രുതയും അക്രമങ്ങളും ഗൗരവകരമാണെന്നും സ്ഥിതിഗതികൾ സസൂക്ഷ്മം നിരീക്ഷിച്ചു വരികയാണെന്നും വിദേശകാര്യ മന്ത്രാലയം വ്യക്തമാക്കി. അന്താരാഷ്ട്ര മനുഷ്യാവകാശ സംഘടനകളും ഈ സംഭവങ്ങളിൽ ശക്തമായ പ്രതിഷേധം രേഖപ്പെടുത്തിയിട്ടുണ്ട്.
In a disturbing escalation of violence against minorities in Bangladesh, a 50-year-old Hindu man named Khokon Das was attacked by a mob in Shariatpur district on December 31. He was beaten with sharp weapons and set on fire. This marks the fourth such attack on Hindus in the past two weeks, following the brutal lynchings of Amrit Mondal and Dipu Chandra Das. India has voiced grave concern over the safety of minorities in the neighboring country under the current interim government.