ധാക്ക: ബംഗ്ലാദേശിന്റെ പ്രഥമ വനിതാ പ്രധാനമന്ത്രിയും ബിഎൻപി അധ്യക്ഷയുമായിരുന്ന ഖാലിദ സിയയ്ക്ക് (Begum Khaleda Zia) രാജ്യം കണ്ണീരോടെ വിടചൊല്ലി. ചൊവ്വാഴ്ചഅന്തരിച്ച ഖാലിദ സിയയുടെ സംസ്കാര ചടങ്ങുകൾ ബുധനാഴ്ച ഉച്ചയ്ക്ക് ശേഷം ധാക്കയിലെ ദേശീയ പാർലമെന്റ് അങ്കണത്തിൽ (മാണിക് മിയ അവന്യൂ) നടന്നു. ലക്ഷക്കണക്കിന് അനുയായികളാണ് പ്രിയ നേതാവിനെ അവസാനമായി കാണാൻ രാജ്യതലസ്ഥാനത്തേക്ക് ഒഴുകിയെത്തിയത്.
ബംഗ്ലാദേശ് ദേശീയ പതാക പുതപ്പിച്ച ഖാലിദ സിയയുടെ ഭൗതികദേഹം സൈനിക അകമ്പടിയോടെയാണ് വിലാപയാത്രയായി പാർലമെന്റ് പരിസരത്ത് എത്തിച്ചത്. തുടർന്ന് നടന്ന നമാസെ ജനാസയിൽ (മരണാനന്തര പ്രാർത്ഥന) അന്താരാഷ്ട്ര പ്രതിനിധികളും പങ്കെടുത്തു. ഇന്ത്യയെ പ്രതിനിധീകരിച്ച് വിദേശകാര്യ മന്ത്രി എസ്. ജയശങ്കർ ചടങ്ങിൽ സംബന്ധിച്ചു. പാകിസ്ഥാൻ നാഷണൽ അസംബ്ലി സ്പീക്കർ സർദാർ അയാസ് സാദിഖും ചടങ്ങിൽ പങ്കെടുത്തു. പരേതനായ ഭർത്താവും മുൻ പ്രസിഡന്റുമായ സിയാവുർ റഹ്മാന്റെ ശവകുടീരത്തിന് സമീപം (ചന്ദ്രിമ ഉദ്യാനിൽ) പൂർണ്ണ ഔദ്യോഗിക ബഹുമതികളോടെ ഖാലിദ സിയയെ അടക്കം ചെയ്തു.
ബംഗ്ലാദേശിൽ മൂന്ന് ദിവസത്തെ ഔദ്യോഗിക ദുഃഖാചരണം പ്രഖ്യാപിച്ചിരിക്കുകയാണ്. ഖാലിദ സിയയുടെ മകൻ താരിഖ് റഹ്മാൻ 17 വർഷത്തെ പ്രവാസത്തിന് ശേഷം കഴിഞ്ഞ ദിവസം തിരിച്ചെത്തിയത് ബിഎൻപി പ്രവർത്തകർക്ക് വലിയ ആവേശമായിട്ടുണ്ട്. വരാനിരിക്കുന്ന പൊതുതിരഞ്ഞെടുപ്പിൽ ഖാലിദ സിയയുടെ സാന്നിധ്യം വലിയ സ്വാധീനം ചെലുത്തുമെന്ന് കരുതിയിരിക്കുമ്പോഴാണ് അവരുടെ വിയോഗം സംഭവിച്ചത്.
Bangladesh bid a massive farewell to its first female Prime Minister, Khaleda Zia, as hundreds of thousands gathered in Dhaka for her state funeral on Wednesday. The 80-year-old leader, who passed away on Tuesday, was laid to rest with full state honors next to her husband, late President Ziaur Rahman, at Chandrima Udyan. The ceremony was attended by top dignitaries, including Indian External Affairs Minister S. Jaishankar and Pakistan's National Assembly Speaker, marking a significant moment in South Asian diplomacy.