ടെഹ്റാൻ: ഇറാനിൽ പന്ത്രണ്ട് ദിവസമായി തുടരുന്ന ജനകീയ പ്രക്ഷോഭങ്ങളെ ശക്തമായി അടിച്ചമർത്തുമെന്ന് പരമോന്നത നേതാവ് ആയത്തുള്ള അലി ഖമേനി (Ayatollah Ali Khamenei) മുന്നറിയിപ്പ് നൽകി. വെള്ളിയാഴ്ച ഇറാൻ സ്റ്റേറ്റ് ടെലിവിഷൻ വഴി രാജ്യത്തെ അഭിസംബോധന ചെയ്ത അദ്ദേഹം, പ്രതിഷേധക്കാർ അമേരിക്കൻ പ്രസിഡന്റ് ഡൊണാൾഡ് ട്രംപിന്റെ ഏജന്റുകളെപ്പോലെയാണ് പെരുമാറുന്നതെന്ന് കുറ്റപ്പെടുത്തി. ഇറാനികളുടെ രക്തം ട്രംപിന്റെ കൈകളിൽ പുരണ്ടിരിക്കുകയാണെന്നും വിദേശശക്തികളുടെ താല്പര്യങ്ങൾക്കായി സ്വന്തം രാജ്യത്തെ നശിപ്പിക്കാൻ അനുവദിക്കില്ലെന്നും അദ്ദേഹം പറഞ്ഞു.
കഴിഞ്ഞ ഡിസംബർ 28-ന് സാമ്പത്തിക പ്രതിസന്ധിയെത്തുടർന്ന് ആരംഭിച്ച പ്രതിഷേധം ഇപ്പോൾ ഇറാനിലെ 31 പ്രവിശ്യകളിലേക്കും വ്യാപിച്ചിരിക്കുകയാണ്. ഇതിനോടകം 45-ഓളം പ്രക്ഷോഭകർ കൊല്ലപ്പെട്ടതായും രണ്ടായിരത്തിലധികം പേർ അറസ്റ്റിലായതായും മനുഷ്യാവകാശ സംഘടനകൾ റിപ്പോർട്ട് ചെയ്യുന്നു. പ്രതിഷേധം തടയാൻ രാജ്യമുടനീളം ഏർപ്പെടുത്തിയ ഇന്റർനെറ്റ് നിരോധനം രണ്ടാം ദിവസവും തുടരുകയാണ്.
അമേരിക്കൻ പ്രസിഡന്റ് ഡൊണാൾഡ് ട്രംപ് പ്രക്ഷോഭകാരികൾക്ക് പരസ്യമായി പിന്തുണ പ്രഖ്യാപിച്ചത് ഇറാൻ ഭരണകൂടത്തെ കൂടുതൽ പ്രകോപിപ്പിച്ചിട്ടുണ്ട്. സമാധാനപരമായി പ്രതിഷേധിക്കുന്നവർക്ക് നേരെ സൈന്യം വെടിവെച്ചാൽ അമേരിക്ക ഇടപെടാൻ സജ്ജമാണെന്ന് ('Locked and Loaded') ട്രംപ് ആവർത്തിച്ചു. എന്നാൽ, ഇറാനിലെ പ്രക്ഷോഭകാരികളെ 'ഭീകരവാദികൾ' എന്നും 'അക്രമികൾ' എന്നുമാണ് ഖമേനി വിശേഷിപ്പിച്ചത്. പ്രക്ഷോഭത്തെത്തുടർന്ന് ഇറാനിൽ വിമാന സർവീസുകൾ പലതും റദ്ദാക്കി
Iran's Supreme Leader Ayatollah Ali Khamenei has issued a stern warning against ongoing nationwide protests, labeling demonstrators as "mercenaries" of the United States and Israel. The unrest, fueled by a severe economic collapse and the rial's devaluation, has led to a near-total internet blackout and a rising death toll among protesters. Despite threats of a harsh military crackdown, demonstrators continue to defy the clerical establishment amidst escalating international tension involving the U.S. and Israel.