സിഡ്നി: അമേരിക്കയിലെ വിവിധ വിദ്യാഭ്യാസ സ്ഥാപനങ്ങളിലും വ്യാപാര കേന്ദ്രങ്ങളിലും കൂട്ടവെടിവെയ്പ്പ് നടക്കുന്നുണ്ടെന്ന വ്യാജ സന്ദേശങ്ങൾ പ്രചരിപ്പിച്ച ഓസ്ട്രേലിയൻ കൗമാരക്കാരൻ പിടിയിലായി (Hoax Calls). ഓസ്ട്രേലിയയിലെ ന്യൂ സൗത്ത് വെയ്ൽസ് സ്വദേശിയായ പതിനഞ്ചുകാരനെയാണ് ഓസ്ട്രേലിയൻ ഫെഡറൽ പോലീസ് പിടികൂടിയത്. എഫ്ബിഐ നൽകിയ രഹസ്യവിവരത്തിന്റെ അടിസ്ഥാനത്തിൽ നടത്തിയ അന്വേഷണത്തിനൊടുവിലാണ് അറസ്റ്റ് രേഖപ്പെടുത്തിയത്.
അത്യാഹിത വിഭാഗങ്ങളെയും പോലീസിനെയും തെറ്റായ വിവരങ്ങൾ നൽകി കബളിപ്പിക്കുന്ന 'സ്വാറ്റിംഗ്' എന്നറിയപ്പെടുന്ന സൈബർ കുറ്റകൃത്യമാണ് ഇയാൾ ചെയ്തതെന്ന് പോലീസ് അറിയിച്ചു. കഴിഞ്ഞ മാസം കുട്ടിയുടെ വീട്ടിൽ നടത്തിയ പരിശോധനയിൽ നിരവധി ഇലക്ട്രോണിക് ഉപകരണങ്ങളും ലൈസൻസില്ലാത്ത തോക്കും പോലീസ് കണ്ടെടുത്തിരുന്നു. ടെലികമ്മ്യൂണിക്കേഷൻ നിയമലംഘനം ഉൾപ്പെടെ 12 കുറ്റങ്ങളും അനധികൃതമായി ആയുധം കൈവശം വെച്ചതിനുള്ള കുറ്റവുമാണ് ഇയാൾക്കെതിരെ ചുമത്തിയിരിക്കുന്നത്.
ഓൺലൈൻ ക്രിമിനൽ ഗ്രൂപ്പുകളിൽ പ്രശസ്തിയും അംഗീകാരവും നേടുന്നതിനായാണ് യുവാക്കൾ ഇത്തരം അപകടകരമായ വിനോദങ്ങളിൽ ഏർപ്പെടുന്നതെന്ന് പോലീസ് ഉദ്യോഗസ്ഥർ വ്യക്തമാക്കി. അമേരിക്കയിലെ ആയിരക്കണക്കിന് ആളുകളെയും ബിസിനസ് സ്ഥാപനങ്ങളെയും ഈ വ്യാജ സന്ദേശങ്ങൾ പരിഭ്രാന്തിയിലാഴ്ത്തുകയും വലിയ സാമ്പത്തിക നഷ്ടമുണ്ടാക്കുകയും ചെയ്തിട്ടുണ്ട്. ഓൺലൈനിലെ അജ്ഞാതത്വം ഒരു മിഥ്യയാണെന്നും കുറ്റവാളികളെ കണ്ടെത്താൻ അന്താരാഷ്ട്ര ഏജൻസികൾ ഒത്തൊരുമിച്ച് പ്രവർത്തിക്കുമെന്നും എഫ്.ബി.ഐ വക്താവ് ജേസൺ കപ്ലാൻ മുന്നറിയിപ്പ് നൽകി.
An Australian teenager has been charged for making several hoax mass shooting calls to retailers and schools in the United States. The arrest was made by the Australian Federal Police following intelligence from the FBI regarding a "swatting" network. Officials warned that such activities, often done for online notoriety, carry severe consequences and that digital anonymity will not protect offenders from international law enforcement.