നായാട്ടിനെക്കുറിച്ച് നമുക്കറിയാം, എന്നാൽ മനുഷ്യരെ മൃഗങ്ങളെപ്പോലെ വേട്ടയാടി കൊല്ലുന്ന ഒരു മനുഷ്യനെക്കുറിച്ച് അറിഞ്ഞാലോ ? റോബർട്ട് ഹാൻസൺ ഒരു കുടുംബനാഥൻ, സന്തോഷവാനായ ബേക്കർ, മൃഗങ്ങളെ വേട്ടയാടുന്നതിൽ മിടുക്കൻ എന്നീ നിലകളിൽ അറിയപ്പെട്ടിരുന്ന ഒരു വ്യക്തിയായിരുന്നു.(Robert Hansen The Butcher Baker)
എന്നാൽ ഇതിൻ്റെ ഇരുൾ മൂടിയ സത്യം എന്തെന്നാൽ, അയാൾ യഥാർത്ഥത്തിൽ ഒരു സീരിയൽ കില്ലർ ആയിരുന്നു. സ്ത്രീകളെ മാത്രം, പ്രത്യേകിച്ചും വേശ്യകളെ കൊല്ലുന്ന ഒരു കൊലപാതകി ആയിരുന്നു അയാൾ.
ബച്ചർ ബേക്കർ (കശാപ്പുകാരനായ ബേക്കർ) എന്നറിയപ്പെടുന്ന റോബർട്ട് ക്രിസ്റ്റ്യൻ ബോസ് ഹാൻസെൻ (ഫെബ്രുവരി 15, 1939 – ഓഗസ്റ്റ് 21, 2014), ഒരു അമേരിക്കൻ സീരിയൽ കില്ലറായിരുന്നു.
സ്ത്രീകളെ തട്ടിക്കൊണ്ടുപോയി തൻ്റെ ക്യാബിനിലേക്ക് വിടുകയും പിന്നീട് അവരെ കാട്ടിലേക്ക് വിടുകയും അവിടെ കത്തി, തോക്ക് എന്നിവ ഉപയോഗിച്ച് വേട്ടയാടാൻ മണിക്കൂറുകളോ ദിവസങ്ങളോ ചെലവഴിക്കുകയും ചെയ്യുമായിരുന്നു ഇയാൾ. 1971 നും 1983 നും ഇടയിൽ, റോബർട്ട് അലാസ്കയിലെ ആങ്കറേജിലും പരിസരത്തും കുറഞ്ഞത് 17 സ്ത്രീകളെ തട്ടിക്കൊണ്ടുപോയി, അവരെ പീഡിപ്പിക്കുകയും കൊലപ്പെടുത്തുകയും ചെയ്തു. ഇയാൾ തട്ടിക്കൊണ്ടുപോയി ആക്രമിച്ച സ്ത്രീകളുടെ എണ്ണം ഏകദേശം 30 ആണെന്ന് കണക്കാക്കപ്പെടുന്നു.
1983-ൽ, 17 വയസ്സുള്ള സിൻഡി പോൾസണെ അവളുടെ സേവനങ്ങൾക്ക് പണം നൽകാമെന്ന് വാഗ്ദാനം ചെയ്ത് റോബർട്ട് തൻ്റെ കാറിലേക്ക് കൊണ്ടുപോയി. തുടർന്ന് അയാൾ അവളെ ഗൺപോയിൻറിൽ പിടിച്ചുകൊണ്ട് പോയി തൻ്റെ വീട്ടിലേക്ക് കൊണ്ടുപോയി. ബേസ്മെൻറിൽ വെച്ച് കഴുത്തിൽ ചങ്ങലയിട്ടു. തുടർന്ന് അയാൾ അവളെ തട്ടിക്കൊണ്ടുപോയി പീഡിപ്പിച്ചു.
സിൻഡിയെ വേട്ടയാടാൻ വേണ്ടി ഒരു വിദൂര പ്രദേശത്തേക്ക് തൻ്റെ വിമാനത്തിൽ എത്തിക്കാൻ അയാൾ പദ്ധതിയിട്ടു. അവർ ഒരു ചെറിയ വിമാനത്താവളത്തിൽ എത്തി. അവിടെ അയാൾക്ക് ഒരു സ്വകാര്യ വിമാനം ഉണ്ടായിരുന്നു. അയാൾ വിമാനത്തിലേക്ക് തൻ്റെ ഉപകരണങ്ങൾ കയറ്റുന്നതിനിടയിൽ സിൻഡി രക്ഷപ്പെട്ടു.
സിൻഡി തെരുവിലൂടെ ഓടി. നഗ്നപാദയായി കൈകളിൽ വിലങ്ങുമായി നിന്നിട്ടും കടന്നുപോയ ഒരു ട്രക്ക് തടയാൻ അവൾക്ക് കഴിഞ്ഞു. അവളെ സുരക്ഷിതമായ ഒരു ഇടത്തേക്ക് മാറ്റിയ ട്രക്ക് ഡ്രൈവർ ഉടൻ തന്നെ പോലീസിനെ വിളിച്ച് എല്ലാം പറഞ്ഞു. രക്ഷപ്പെട്ട ഒരേയൊരു ഇര അവളായിരുന്നു.
ഇതേത്തുടർന്ന് റോബർട്ട് ഹാൻസൺ പരോൾ സാധ്യതയില്ലാതെ 461 വർഷം തടവിന് ശിക്ഷിക്കപ്പെട്ടു. 2014 ഓഗസ്റ്റ് 21 ന് 75 വയസ്സുള്ളപ്പോൾ സ്വാഭാവിക കാരണങ്ങളാൽ അയാൾ ജയിലിൽ മരിച്ചു. ഇതിൽ ഏറ്റവും ഭയാനകമായ സംഭവം എന്തെന്നാൽ, റോബർട്ട് ഹാൻസൺ ശരിക്കും ഒരു സാധാരണ വ്യക്തിയെപ്പോലെ കഴിഞ്ഞിരുന്നയാളാണ്. അയാളിൽ ഇത്തരമൊരു വൈകൃതമുണ്ടെന്ന് ആർക്കും മനസിലാക്കാൻ സാധ്യമായിരുന്നില്ല. ഇത്തരത്തിൽ ആരൊക്കെ എവിടെയൊക്കെ ഉണ്ടാകുമെന്ന് നമുക്ക് എങ്ങനെയാണ് അറിയാൻ കഴിയുക ?