പിറോജ്പുർ: ബംഗ്ലാദേശിൽ മതന്യൂനപക്ഷങ്ങൾക്കെതിരെയുള്ള (Bangladesh Violence) അതിക്രമങ്ങൾ തുടരുന്നതിനിടെ പിറോജ്പുർ ജില്ലയിൽ ഹിന്ദു കുടുംബത്തിന്റെ വീട് അക്രമികൾ തീയിട്ടു നശിപ്പിച്ചു. ഡിസംബർ 27-ന് പുലർച്ചെ ദുമ്രിതോള ഗ്രാമത്തിലെ സാഹ കുടുംബത്തിന്റെ വീടിനാണ് ഒരു സംഘം തീയിട്ടത്. വീട്ടുകാർ ഉറങ്ങിക്കിടക്കുമ്പോൾ പുറത്തുനിന്ന് വാതിൽ പൂട്ടിയ ശേഷമായിരുന്നു അക്രമമെന്ന് റിപ്പോർട്ടുകൾ സൂചിപ്പിക്കുന്നു.
ചെറ്റഗ്രാമിൽ കഴിഞ്ഞ അഞ്ച് ദിവസത്തിനിടെ ഏഴ് ഹിന്ദു കുടുംബങ്ങളുടെ വീടുകളാണ് സമാനമായ രീതിയിൽ ആക്രമിക്കപ്പെട്ടത്. ഇസ്ലാം മതത്തിനും മുസ്ലിം സമുദായത്തിനുമെതിരെ പ്രവർത്തിക്കുന്നു എന്ന് ആരോപിച്ചുള്ള ഭീഷണി സന്ദേശങ്ങളും ആക്രമണത്തിന് പിന്നാലെ പ്രചരിക്കുന്നുണ്ട്. വിദ്യാർത്ഥി നേതാവ് ശരീഫ് ഉസ്മാൻ ഹാദിയുടെ മരണത്തെത്തുടർന്നുണ്ടായ രാഷ്ട്രീയ അസ്ഥിരതയ്ക്ക് പിന്നാലെയാണ് രാജ്യത്ത് വീണ്ടും ആൾക്കൂട്ട ആക്രമണങ്ങൾ ശക്തമായത്.
മൈമൻസിംഗിൽ ഹിന്ദു യുവാവായ ദീപു ചന്ദ്ര ദാസിനെ ആൾക്കൂട്ടം തല്ലിക്കൊന്ന് തീയിട്ടതും, കഴിഞ്ഞ ബുധനാഴ്ച അമൃത് മൊണ്ടൽ എന്ന വ്യക്തി കൊല്ലപ്പെട്ടതും വലിയ പ്രതിഷേധങ്ങൾക്ക് കാരണമായിട്ടുണ്ട്. കുറ്റവാളികൾക്കെതിരെ കർശന നടപടി സ്വീകരിക്കുമെന്ന് യൂനസ് സർക്കാർ വ്യക്തമാക്കുന്നുണ്ടെങ്കിലും ആക്രമണങ്ങൾ തടയാൻ സാധിക്കുന്നില്ലെന്ന വിമർശനം ശക്തമാണ്.
A Hindu-owned house was set on fire in Bangladesh's Pirojpur district, marking a continuation of targeted violence against religious minorities. The attack follows a pattern of arson in the region, with seven Hindu families' homes torched in Chattogram within just five days. Despite warnings from the interim government against mob justice, international observers and activists express deep concern over the rising communal tensions and radical activities.