കാരക്കാസ്: വെനസ്വേലയുടെ (Venezuela) വ്യോമാതിർത്തിയിലും പരിസരത്തും അമേരിക്ക സൈനിക നീക്കം വർദ്ധിച്ചതിനെ തുടർന്ന് അപകട സാധ്യതയുള്ള സാഹചര്യം ചൂണ്ടിക്കാട്ടി യുഎസ് റെഗുലേറ്റർ മുന്നറിയിപ്പ് നൽകിയതിനെ തുടർന്ന് വെനസ്വേലയിലേക്കുള്ള ആറ് അന്താരാഷ്ട്ര വിമാനക്കമ്പനികൾ സർവീസുകൾ നിർത്തിവെച്ചു.
സ്പെയിനിന്റെ ഐബീരിയ, പോർച്ചുഗലിന്റെ ടിഎപി, ചിലിയുടെ ലാതം, കൊളംബിയയുടെ അവിയാൻക, ബ്രസീലിൻ്റെ ജിഒഎൽ, ട്രിനിഡാഡ് ആൻഡ് ടൊബാഗോയുടെ കരീബിയൻഎന്നീ എയർലൈനുകളാണ് ശനിയാഴ്ച മുതൽ വിമാന സർവീസുകൾ നിർത്തിയത്. വിമാന സുരക്ഷ ഉറപ്പില്ലെന്ന യുഎസ് മുന്നറിയിപ്പിനെ തുടർന്നാണ് ഈ തീരുമാനമെന്ന് ടിഎപി അറിയിച്ചു. അതേസമയം, പനാമയുടെ കോപ എയർലൈൻസ്, സ്പെയിനിൻ്റെ എയർ യൂറോപ്പ, പ്ലസ് അൾട്ര, ടർക്കിഷ് എയർലൈൻസ് തുടങ്ങിയവ സർവീസുകൾ തുടരുന്നുണ്ട്.അമേരിക്കയുടെ മുന്നറിയിപ്പിന് പിന്നാലെയാണ് വിമാന സർവീസുകൾ നിർത്തിവെച്ചത്. യുഎസ് സൈനിക വിന്യാസവും ലോകത്തിലെ ഏറ്റവും വലിയ വിമാന വാഹിനിക്കപ്പലും കരീബിയൻ മേഖലയിലേക്ക് അയച്ചതിനെ വെനസ്വേലൻ പ്രസിഡൻ്റ് നിക്കോളാസ് മഡുറോ വിമർശിച്ചു. ഇത് മയക്കുമരുന്ന് വിരുദ്ധ ഓപ്പറേഷൻ എന്ന പേരിലുള്ള ഭരണമാറ്റ ശ്രമമാണെന്ന് മഡുറോ ആരോപിച്ചു. എന്നാൽ മഡുറോയെ 'കാർട്ടൽ ഡെ ലോസ് സോളെസ്' എന്ന ഭീകരൻ എന്ന് മുദ്രകുത്തിയ യുഎസ്, മയക്കുമരുന്ന് കടത്ത് തടയാനാണ് സൈനിക നീക്കമെന്നാണ് അവകാശപ്പെടുന്നത്. മഡുറോ ആകട്ടെ, യുഎസ് യുദ്ധത്തിന് 'മുൻകരുതലുകൾ' ഉണ്ടാക്കുകയാണെന്ന് കുറ്റപ്പെടുത്തി.
Six international airlines, including Iberia, TAP, LATAM, and Avianca, suspended flights to Venezuela after the US Federal Aviation Agency (FAA) warned major carriers of a "potentially hazardous situation" due to "heightened military activity" in the country's airspace.