വാഷിംഗ്ടൺ: അന്താരാഷ്ട്ര തലത്തിൽ വലിയ വിവാദമുണ്ടാക്കിയ സെക്സ് റാക്കറ്റ് കേസ് പ്രതി ജെഫ്രി എപ്സ്റ്റീനുമായി ബന്ധപ്പെട്ട രേഖകൾ പുറത്തുവിടുന്ന നടപടികൾ നീളുന്നു (Epstein Files). 52 ലക്ഷത്തോളം പേജുകൾ വരുന്ന എപ്സ്റ്റീൻ ഫയലുകൾ പരിശോധിച്ച് തീർക്കാൻ ജസ്റ്റിസ് ഡിപ്പാർട്ട്മെന്റിലെ നാല് വിഭാഗങ്ങളിൽ നിന്നായി 400 അഭിഭാഷകരെ നിയോഗിച്ചതായി യുഎസ് സർക്കാർ രേഖകൾ വ്യക്തമാക്കുന്നു. ജനുവരി 23-നുള്ളിൽ ഈ പരിശോധനകൾ പൂർത്തിയാക്കാനാണ് ലക്ഷ്യമിടുന്നത്.
കോൺഗ്രസ് നിശ്ചയിച്ച ഡിസംബർ 19 എന്ന സമയപരിധിക്കുള്ളിൽ രേഖകൾ പുറത്തുവിടാൻ സാധിക്കാത്ത സാഹചര്യത്തിലാണ് നടപടികൾ വേഗത്തിലാക്കുന്നത്. ഓരോ അഭിഭാഷകനും പ്രതിദിനം ആയിരത്തോളം രേഖകൾ വീതം പരിശോധിച്ച് ഇരകളുടെ സ്വകാര്യത സംരക്ഷിക്കുന്നതിനായി ആവശ്യമായ വിവരങ്ങൾ ഒഴിവാക്കിയ ശേഷമേ ഫയലുകൾ പൊതുജനങ്ങൾക്ക് ലഭ്യമാക്കൂ. ഇതിനകം പുറത്തുവിട്ട രേഖകളിൽ പലതും അവ്യക്തമാണെന്ന പരാതിയും ഉയരുന്നുണ്ട്.
1990-കളിൽ എപ്സ്റ്റീനുമായി സൗഹൃദമുണ്ടായിരുന്ന പ്രസിഡന്റ് ഡൊണാൾഡ് ട്രംപിന്റെ ഭരണകൂടമാണ് ഈ ഫയലുകൾ പുറത്തുവിടാൻ ഉത്തരവിട്ടത്. എന്നാൽ എപ്സ്റ്റീന്റെ കുറ്റകൃത്യങ്ങളെക്കുറിച്ച് തനിക്ക് അറിവില്ലായിരുന്നുവെന്നാണ് ട്രംപിന്റെ നിലപാട്. 2019-ൽ ലൈംഗിക അതിക്രമക്കേസുകളിൽ പിടിയിലായ എപ്സ്റ്റീനെ ജയിലിനുള്ളിൽ മരിച്ച നിലയിൽ കണ്ടെത്തുകയായിരുന്നു. വരാനിരിക്കുന്ന 2026-ലെ തിരഞ്ഞെടുപ്പിൽ ഈ ഫയലുകളിലെ വെളിപ്പെടുത്തലുകൾ രാഷ്ട്രീയ പ്രത്യാഘാതങ്ങൾ ഉണ്ടാക്കുമെന്ന് കരുതി ഭരണപക്ഷവും പ്രതിപക്ഷവും ഈ നീക്കത്തെ അതീവ ജാഗ്രതയോടെയാണ് കാണുന്നത്.
The U.S. Department of Justice has mobilized 400 attorneys to review approximately 5.2 million pages of files related to late sex offender Jeffrey Epstein. The massive task, aimed at meeting a transparency law passed by Congress, is expected to continue through late January 2024. While President Trump ordered the release of the documents, the sheer volume of material and the need to redact sensitive information about victims have delayed the final disclosure, causing frustration among lawmakers and the public.