Web Stories
ഈ ആരോഗ്യകാര്യങ്ങൾ കൂടി ശ്രദ്ധിച്ച് കേക്ക് കഴിക്കാം | Take care of these health issues and eat cake
ക്രിസ്മസ് ആഘോഷങ്ങളുടെ ഒരു പ്രധാന ചടങ്ങാണ് കേക്ക് മുറിക്കലും കുടുംബാംഗങ്ങൾക്കും സുഹൃത്തുക്കൾക്കും ഒക്കെ കേക്ക് നൽകുന്നതും. കേരളത്തിൽ ഏറ്റവും കൂടുതൽ കേക്കുകൾ വിൽപന ചെയ്യുന്നതും ക്രിസ്മസ് സീസണിലാണ്.
ക്രിസ്മസ് ആഘോഷങ്ങളുടെ ഒരു പ്രധാന ചടങ്ങാണ് കേക്ക് മുറിക്കലും കുടുംബാംഗങ്ങൾക്കും സുഹൃത്തുക്കൾക്കും ഒക്കെ കേക്ക് നൽകുന്നതും. കേരളത്തിൽ ഏറ്റവും കൂടുതൽ കേക്കുകൾ വിൽപന ചെയ്യുന്നതും ക്രിസ്മസ് സീസണിലാണ്. അമിതമായി കേക്ക് കഴിക്കുന്നത് പല ആരോഗ്യപ്രശ്നങ്ങൾക്കും കാരണമാവുന്നു.
ഏതൊരു ഭക്ഷ്യവസ്തുവും കഴിക്കുമ്പോൾ രണ്ടു മൂന്നു കാര്യങ്ങൾ ശ്രദ്ധിക്കുന്നത് ആരോഗ്യപരമായി ഗുണം ചെയ്യും. ∙കാലറി കൂടുതൽ നൽകുന്നതാണോ? ∙നാരുകൾ ഉള്ളതാണോ? ∙ശരീരത്തിനാവശ്യമായ പോഷകങ്ങൾ നൽകുന്നുണ്ടോ?
കേക്കിനെ സംബന്ധിച്ച് കാലറി കൂടുതലാണ്, നാരുകൾ ഇല്ല. ശരീരത്തിനാവശ്യമായ പോഷകങ്ങൾ വളരെ കുറവും. മാത്രവുമല്ല ശരീരത്തിനു ദോഷം ചെയ്യുന്ന മധുരം, കൊഴുപ്പ് എന്നിവ കൂടുതലും. കേക്കിന്റെ പ്രധാന ചേരുവ മൈദയാണല്ലോ.
ചെയ്യേണ്ട കാര്യങ്ങൾ ∙ പ്രമേഹ രോഗികളും പ്രീഡയബറ്റിസ് ഉള്ളവരും കേക്ക് തീർത്തും ഉപേക്ഷിക്കുന്നതാണ് നല്ലത്. ഇനി കഴിക്കുകയാണെങ്കിൽ അളവ് നന്നായി പരിമിതപ്പെടുത്തുക. മറ്റുള്ളവർ കേക്ക് കഴിക്കുമ്പോൾ നിയന്ത്രണം പാലിക്കുന്നത് നന്നായിരിക്കും. ∙ ഐസിങ് ചെയ്ത കേക്കിൽ സാധാരണ കേക്കിനേക്കാൾ കൂടുതൽ മധുരം (കാലറി) അടങ്ങിയിരിക്കുന്നു. അതുകൊണ്ട് ഐസിങ് ചെയ്ത ഭാഗം ഉപേക്ഷിക്കുക. ഐസിങ് ചെയ്ത കേക്കിനേക്കാൾ പ്ലെയിൻ കേക്കാണ് അൽപം കൂടി സുരക്ഷിതം.