തിരുവനന്തപുരം: കാലവർഷം അടുത്ത നാല് ദിവസം കൂടി സംസ്ഥാനത്ത് ശക്തമായി തുടരുമെന്ന് കേന്ദ്ര കാലാവസ്ഥാ നിരീക്ഷണകേന്ദ്രം അറിയിച്ചു(Monsoon). ഇതിന്റെ ഭാഗമായി മഴ മുന്നറിയിപ്പുകളും പ്രഖ്യാപിച്ചു. ഇന്ന് കോഴിക്കോട്, വയനാട്, കണ്ണൂർ ജില്ലകളിൽ റെഡ് അലർട്ടാണ് പ്രഖ്യാപിച്ചിട്ടുള്ളത്. മലപ്പുറം, തൃശൂർ കാസർഗോഡ് ജില്ലകളിൽ ഓറഞ്ച് അലർട്ടും കേരളത്തിലെ ബാക്കി ജില്ലകളിൽ യെല്ലോ അലർട്ടുമാണ് നിലനിൽക്കുന്നത്.
അതേസമയം ഇന്ന് കേരളതീരത്ത് അതിശക്തമായ കാറ്റിനും സാധ്യതയുണ്ട്. അതിനാൽ കടലിൽ പോകുന്നതിനും വിലക്ക് ഏർപെടുത്തിയിട്ടുള്ളതായി കാലാവസ്ഥ നിരീക്ഷണ കേന്ദ്രം അറിയിച്ചു.