തിരുവനന്തപുരം : അറബിക്കടലിൽ ന്യൂനമർദം രൂപപ്പെടാൻ സാധ്യതയുള്ളതിനാൽ അടുത്ത അഞ്ചു ദിവസം സംസ്ഥാനത്ത് ഇടിയോടുകൂടിയ ശക്തമായ മഴയ്ക്ക് സാധ്യതയുള്ളതായി കേന്ദ്ര കാലാവസ്ഥാ വകുപ്പ് അറിയിച്ചു(kerala weather updates).
ബുധനാഴ്ചയോടെ മധ്യകിഴക്കൻ അറബിക്കടലിൽ കർണാടക തീരത്തിന് മുകളിലായി ചക്രവാതച്ചുഴി രൂപപ്പെടും. ഇത് അടുത്ത ദിവസം മുതൽ ന്യൂനമർദമായി ശക്തിപ്രാപിക്കുമെന്നാണ് വിലയിരുത്തൽ.
ഞായറാഴ്ച മുതൽ കേരള - കർണാടക - ലക്ഷദ്വീപ് തീരങ്ങളിൽ മണിക്കൂറിൽ 35 മുതൽ 45-55 കിലോമീറ്റർ വരെ വേഗത്തിൽ ശക്തമായ കാറ്റിനും സാധ്യതയുണ്ട്. തെക്കൻ തമിഴ്നാട് തീരം, ഗൾഫ് ഓഫ് മാന്നാർ, കന്യാകുമാരി തീരപ്രദേശം എന്നിവിടങ്ങളിൽ നാളെ മുതൽ വ്യാഴാഴ്ച്ച വരെ മത്സ്യബന്ധനത്തിന് വിലക്ക് ഏർപെടുത്തിയിട്ടുണ്ട്.