ന്യൂഡൽഹി: അമേരിക്ക-ഇസ്രായേൽ സഖ്യവും ഇറാനും തമ്മിലുള്ള യുദ്ധത്തെത്തുടർന്ന് ഹോർമുസ് കടലിടുക്ക് വഴിയുള്ള കപ്പൽ ഗതാഗതം ഏതാണ്ട് പൂർണ്ണമായും നിലച്ചിരിക്കുകയാണ് (Hormuz Strait Shipping 2026). എന്നാൽ, നയതന്ത്ര ചർച്ചകൾക്കൊടുവിൽ രണ്ട് ഇന്ത്യൻ ടാങ്കറുകൾക്ക് ഇറാൻ യാത്രാാനുമതി നൽകി. ഇന്ത്യയിലെ പാചകവാതക ക്ഷാമം പരിഹരിക്കാൻ ഈ നീക്കം വലിയ സഹായമാകും.
ഭാരത് പെട്രോളിയത്തിന് (BPCL) വേണ്ടി എൽ.പി.ജി എത്തിക്കുന്ന ‘ജഗ് വസന്ത്’, ഇന്ത്യൻ ഓയിൽ കോർപ്പറേഷന് (IOC) വേണ്ടിയുള്ള ‘പൈൻ ഗ്യാസ്’ എന്നിവയാണ് സുരക്ഷിതമായി കടലിടുക്ക് കടന്നത്.ആക്രമണ സാധ്യതകൾ ഒഴിവാക്കാൻ ‘പൈൻ ഗ്യാസ്’ തങ്ങളുടെ റേഡിയോ സിഗ്നലിലൂടെ ‘ഇന്ത്യൻ കപ്പലും ജീവനക്കാരും’ (India ship and crew) എന്ന സന്ദേശം നിരന്തരം പ്രക്ഷേപണം ചെയ്തിരുന്നു.
ഇറാനിയൻ തീരത്തിന് ചേർന്നുള്ള ‘ലാറക് – ഖ്വം’ (Larak-Qeshm) ചാനലിലൂടെയാണ് ഈ കപ്പലുകൾ സഞ്ചരിച്ചത്. ഇറാനിയൻ നാവികസേനയുടെ നിയന്ത്രണത്തിലുള്ള ഈ പാതയിലൂടെയുള്ള യാത്രയ്ക്ക് പ്രത്യേക അനുമതി ആവശ്യമാണ്. നിലവിൽ 20 ഓളം ഇന്ത്യൻ കപ്പലുകൾ ഗൾഫ് മേഖലയിൽ കുടുങ്ങിക്കിടക്കുന്നുണ്ട്. ഇതിൽ എൽ.പി.ജി, ക്രൂഡ് ഓയിൽ കപ്പലുകൾക്ക് മുൻഗണന നൽകി പുറത്തെത്തിക്കാനാണ് വിദേശകാര്യ മന്ത്രാലയം ശ്രമിക്കുന്നത്. കഴിഞ്ഞ ആഴ്ച ‘ശിവാലിക്’, ‘നന്ദാദേവി’ എന്നീ കപ്പലുകളും സമാനമായ രീതിയിൽ സുരക്ഷിതമായി ഇന്ത്യയിലെത്തിയിരുന്നു.
ഹോർമുസ് കടലിടുക്കിലെ ഈ ‘മാരിടൈം ഡിപ്ലോമസി’ വഴി തങ്ങളുടെ ഊർജ്ജ സുരക്ഷ ഉറപ്പാക്കാൻ ഇന്ത്യയ്ക്ക് കഴിയുന്നു എന്നത് ആഗോളതലത്തിൽ ശ്രദ്ധിക്കപ്പെട്ടിട്ടുണ്ട്.
News Summary:
Amidst the ongoing West Asia conflict and the effective closure of the Strait of Hormuz, two Indian LPG tankers—’Pine Gas’ and ‘Jag Vasant’—successfully transited the strategic waterway on March 23, 2026. To avoid potential attacks, the vessels broadcasted “India ship and crew” signals and followed a specific route guided by the Iranian Navy. This successful passage, facilitated by high-level diplomatic talks between India and Iran, is expected to ease the rising cooking gas shortage in India. Approximately 20 more Indian vessels remain anchored in the Gulf awaiting safe passage.
