പാലക്കാട്: റബർ ഷീറ്റും അടയ്ക്കയും മോഷ്ടിച്ച കേസിൽ പട്ടാളക്കാരനെ പോലീസ് അറസ്റ്റ് ചെയ്തു(Police arrest soldier). സംഭവത്തിൽ കേരളശ്ശേരി വടശേരി സ്വദേശിയായ അരുൺ (30) നെ മങ്കര പോലീസാണ് അറസ്റ്റ് ചെയ്തത്.
മണ്ണൂർ കമ്പനിപ്പടിയിൽ കഴിഞ്ഞ ദിവസമാണ് സംഭവം നടന്നത്. കമ്പനിപ്പടിയിലെ റബർ ഷീറ്റ് കടയുടെ പൂട്ട്പൊളിച്ചായിരുന്നു അരുൺ മോഷണം നടത്തിയത്. 400 കിലോ റബർ ഷീറ്റും അടക്കയുമാണ് ഇയാൾ കടയിൽ നിന്നും മോഷ്ടിച്ചു കൊണ്ട് പോയത്. അവധി കഴിഞ്ഞ് പട്ടാള ക്യാമ്പിലേക്ക് മടങ്ങാൻ ഇരിക്കവെയാണ് സംഭവം.