ടെൽ അവീവ്: ഇസ്രയേലിന്റെ അടുത്ത സൈനിക മേധാവിയായി റിട്ട. മേജർ ജനറൽ ഇയാൽ സമീറിനെ തിരഞ്ഞെടുത്തു(Israel Updates). നിയുക്ത മേധാവി ലഫ്. ജനറൽ ഹെർസി ഹാലവി കഴിഞ്ഞ മാസം രാജി പ്രഖ്യാപിച്ചിരുന്നതിനെ തുടർന്ന് പ്രധാനമന്ത്രി ബെഞ്ചമിൻ നെതന്യാഹു ആണ് ഇയാൽ സമീറിനെ തിരഞ്ഞെടുത്തത്.
നിലവിൽ പ്രതിരോധ മന്ത്രാലയത്തിലെ ഡയറക്ടർ ജനറൽ ആണ് 59 വയസുള്ള സമീർ. ഗാസയുടെ ചുമതലയുള്ള സതേൺ ആർമി കമാൻഡിന്റെ മുൻ തലവനും 2018 – 2021 കാലയളവിൽ ഇസ്രയേൽ സൈന്യത്തിന്റെ ഉപമേധാവിയായിരുന്നു.
മാർച്ചിലാണ് ഹെർസി ഹാലവി സ്ഥാനമൊഴിയുക. ഇസ്രയേലിൽ 2023 ഒക്ടോബർ 7 ന് ഉണ്ടായ ഹമാസ് ഭീകരാക്രമണം തടയുന്നതിൽ പരാജയപ്പെട്ടതിലെ ഉത്തരവാദിത്വം ഏറ്റെടുത്താണ് ഹാലവി രാജിപ്രഖ്യാപിച്ചത്.