ലഹോർ: പാക്കിസ്ഥാൻ ക്രിക്കറ്റ് താരം ശുഐബ് മാലിക്കിന്റെ മൂന്നാം വിവാഹത്തെക്കുറിച്ച് സോഷ്യൽ മീഡിയയിൽ പ്രചരിക്കുന്ന വാർത്തകൾ അടിസ്ഥാനരഹിതമാണെന്ന് താരം വ്യക്തമാക്കി (Shoaib Malik Sana Javed Marriage Update). നടി സന ജാവേദുമായുള്ള വിവാഹബന്ധം തകർന്നെന്ന തരത്തിലുള്ള റിപ്പോർട്ടുകൾ തെറ്റാണെന്നും ഇത്തരം അപവാദങ്ങൾ പ്രചരിപ്പിക്കുന്നവർക്കെതിരെ നിയമനടപടി സ്വീകരിക്കുമെന്നും മാലിക് മുന്നറിയിപ്പ് നൽകി.
ഇന്ത്യൻ ടെന്നിസ് താരം സാനിയ മിർസയുമായുള്ള ആദ്യ വിവാഹബന്ധം 2023-ൽ പരസ്പര സമ്മതത്തോടെയാണ് അവസാനിപ്പിച്ചത്. ഇതിന് ശേഷമാണ് 2024 ജനുവരിയിൽ സന ജാവേദിനെ വിവാഹം കഴിച്ചത്. “പുറത്തുവരുന്ന ഇത്തരം അഭ്യൂഹങ്ങൾ വായിക്കാനുള്ള പ്രായത്തിലേക്ക് എന്റെ മകൻ എത്തിയിട്ടുണ്ട്. കുറച്ച് വ്യൂസിനും വരുമാനത്തിനും വേണ്ടി ആളുകൾ ഇങ്ങനെയൊക്കെ ചെയ്യുന്നത് കഷ്ടമാണ്,” മാലിക് പറഞ്ഞു.
തനിക്കൊരു കുടുംബമുണ്ടെന്നും തന്റെ ജീവിതത്തെക്കുറിച്ചുള്ള തമാശകളും അഭ്യൂഹങ്ങളും അവസാനിപ്പിക്കണമെന്നും മാലിക് പ്രസ്താവനയിലൂടെ ആവശ്യപ്പെട്ടു.
സാനിയ മിർസയുമായുള്ള ബന്ധം വേർപിരിഞ്ഞതിന് പിന്നാലെ ശുഐബ് മാലിക്കിന്റെ സ്വകാര്യ ജീവിതം നിരന്തരം വാർത്തകളിൽ നിറയാറുണ്ട്. എന്നാൽ സന ജാവേദുമായുള്ള ബന്ധത്തിൽ വിള്ളലുകളുണ്ടെന്ന വാർത്തകൾ താരം ആദ്യമായാണ് ഇത്രയും ശക്തമായി നിഷേധിക്കുന്നത്.
Story Summary: Pakistan veteran cricketer Shoaib Malik has denied rumors of a third marriage and split with actress Sana Javed. In a statement, Malik slammed people creating fake news for social media views and highlighted the impact on his son. He clarified that his divorce from Sania Mirza was mutual and occurred in 2023 before his marriage to Sana in 2024.
