കൊച്ചി: ഇന്ത്യൻ സൂപ്പർ ലീഗിൽ മുഹമ്മദൻ സ്പോർട്ടിങ്ങിനെ ഒന്നിനെതിരെ മൂന്ന് ഗോളുകൾക്ക് പരാജയപ്പെടുത്തി കേരള ബ്ലാസ്റ്റേഴ്സ് (Kerala Blasters vs Mohammedan SC). കൊച്ചി ജവാഹർലാൽ നെഹ്റു സ്റ്റേഡിയത്തിൽ നടന്ന ആവേശകരമായ പോരാട്ടത്തിൽ ഫ്രാഞ്ചു ഫ്രേവ്ലെസിയർ, വിക്ടർ ബാർതെമ്യു, മലയാളി താരം ശ്രീക്കുട്ടൻ എം.എസ് എന്നിവരാണ് ബ്ലാസ്റ്റേഴ്സിനായി ലക്ഷ്യം കണ്ടത്.
കളിയിൽ ആധിപത്യം ബ്ലാസ്റ്റേഴ്സിനായിരുന്നെങ്കിലും 41-ാം മിനിറ്റിൽ റോയ് മഹിതോഷിന്റെ തകർപ്പൻ ലോങ്ങ് റേഞ്ചറിലൂടെ മുഹമ്മദൻസാണ് ആദ്യം മുന്നിലെത്തിയത്. എന്നാൽ മൂന്ന് മിനിറ്റിനുള്ളിൽ (44-ാം മിനിറ്റ്) കെവിൻ യോക്കിന്റെ അസിസ്റ്റിൽ ഫ്രാഞ്ചു ഫ്രേവ്ലെസിയർ ബ്ലാസ്റ്റേഴ്സിന് സമനില നേടിക്കൊടുത്തു.
56-ാം മിനിറ്റിൽ കെവിൻ യോക്കിന്റെ ക്രോസിൽ നിന്ന് വിക്ടർ ബാർതെമ്യു ഹെഡറിലൂടെ ബ്ലാസ്റ്റേഴ്സിനെ മുന്നിലെത്തിച്ചു. 74-ാം മിനിറ്റിൽ ഫ്രാഞ്ചുവിന്റെ ക്രോസ് വലയിലെത്തിച്ച് ശ്രീക്കുട്ടൻ മഞ്ഞപ്പടയുടെ വിജയം ഉറപ്പിച്ചു. ഈ വിജയത്തോടെ 12 മത്സരങ്ങളിൽ നിന്ന് 14 പോയിന്റുമായി ബ്ലാസ്റ്റേഴ്സ് പട്ടികയിൽ എട്ടാം സ്ഥാനത്തെത്തി. തുടർച്ചയായ അഞ്ച് മത്സരങ്ങളിൽ പരാജയമറിയാതെയാണ് ബ്ലാസ്റ്റേഴ്സിന്റെ കുതിപ്പ്.
കെവിൻ യോക്കിന്റെയും ഫ്രാഞ്ചുവിന്റെയും മികച്ച പ്രകടനമാണ് ബ്ലാസ്റ്റേഴ്സിന് നിർണ്ണായകമായത്.
Story Summary: Kerala Blasters secured a 3-1 victory over Mohammedan SC in their latest ISL match at the Jawaharlal Nehru Stadium, Kochi. Despite Mohammedan SC taking an early lead through Roy Mahitosh in the 41st minute, the Blasters quickly responded with Francho Frevlezier scoring an equalizer. In the second half, Victor Barthemieu and Malayali player Sreekuttan MS added two more goals to ensure the win. With this victory, Kerala Blasters remain unbeaten for five consecutive matches and currently hold the 8th position in the league table with 14 points from 12 games.
