വിശാഖപട്ടണം : ദക്ഷിണാഫ്രിക്കക്കെതിരായ മൂന്നാം ഏകദിനത്തില് ഇന്ത്യക്ക് 9 വിക്കറ്റിന്റെ ആധികാരിക ജയം.ആദ്യ ഏകദിന സെഞ്ചുറി നേട്ടത്തോടെ യശ്വസ്വി ജയ്സ്വാളും അര്ദ്ധ സെഞ്ചുറികളോടെ രോഹിതും കോലിയും ബാറ്റുമായി നിലയുറപ്പിച്ചപ്പോള് 271 എന്ന ലക്ഷ്യം ഇന്ത്യ അനായാസം മറികടന്നു.
ആദ്യം ബാറ്റ് ചെയ്ത് ദക്ഷിണാഫ്രിക്ക ഉയര്ത്തിയ 271 റണ്സ് വിജയലക്ഷ്യം ഇന്ത്യ 39.5 ഓവറില് ഒരു വിക്കറ്റ് നഷ്ടത്തില് അടിച്ചെടുത്തു. 116 റണ്സുമായി ജയ്സ്വളും 65 റണ്സുമായി കോലിയും പുറത്താകാതെ നിന്നപ്പോള് 75 റണ്സെടുത്ത രോഹിത് ശര്മയുടെ വിക്കറ്റ് മാത്രമാണ് ഇന്ത്യക്ക് നഷ്ടമായത്. ജയത്തോടെ മൂന്ന് മത്സര പരമ്പര ഇന്ത്യ 2-1ന് സ്വന്തമാക്കി.