ന്യൂഡൽഹി: പാകിസ്ഥാൻ ക്രിക്കറ്റ് ബോർഡ് (പിസിബി) ചെയർമാൻ മൊഹ്‌സിൻ നഖ്‌വിയെ പരിഹസിച്ചു കൊണ്ട്, ഇന്ത്യയ്‌ക്കെതിരായ ക്രിക്കറ്റ് മത്സരം ജയിക്കാൻ പാകിസ്ഥാൻ ആഗ്രഹിക്കുന്നുവെങ്കിൽ നഖ്‌വി ആർമി ചീഫ് ജനറൽ അസിം മുനീറിനൊപ്പം ഓപ്പണറായി കളിക്കണമെന്ന് ജയിലിൽ കഴിയുന്ന മുൻ ക്രിക്കറ്റ് കളിക്കാരനും രാഷ്ട്രീയ നേതാവുമായ ഇമ്രാൻ ഖാൻ പരിഹാസപൂർവ്വം നിർദ്ദേശിച്ചു.(Imran Khan lashes out at Pakistan)
ദുബായിൽ നടന്നു കൊണ്ടിരിക്കുന്ന ഏഷ്യാ കപ്പിൽ ഇന്ത്യയോട് പാകിസ്ഥാൻ തുടർച്ചയായി തോറ്റതിനെ തുടർന്നാണ് ഇമ്രാന്റെ പരിഹാസപരമായ പരാമർശങ്ങൾ. തിങ്കളാഴ്ച മാധ്യമപ്രവർത്തകരോട് സംസാരിച്ച അദ്ദേഹത്തിന്റെ സഹോദരി അലീമ ഖാൻ അദ്ദേഹത്തിന്റെ അഭിപ്രായങ്ങൾ വിശദീകരിച്ചു.