മുംബൈ: ടി20 ലോകകപ്പിലെ മികച്ച പ്രകടനങ്ങളുടെ അടിസ്ഥാനത്തിൽ ഐസിസി (ICC) പ്രഖ്യാപിച്ച ‘ടീം ഓഫ് ദി ടൂർണമെന്റിൽ’ മലയാളി താരം സഞ്ജു സാംസണ് ഇടം (ICC T20 World Cup 2026 Team of the Tournament). ലോകകപ്പിലെ മിന്നും പ്രകടനത്തിലൂടെ ടൂർണമെന്റിലെ താരമായി മാറിയ സഞ്ജുവിനെ ടീമിന്റെ വിക്കറ്റ് കീപ്പറായാണ് തിരഞ്ഞെടുത്തത്. ദക്ഷിണാഫ്രിക്കൻ ക്യാപ്റ്റൻ എയ്ഡൻ മാർക്രമാണ് ഐസിസി ടീമിനെ നയിക്കുന്നത്.
ഇന്ത്യൻ കരുത്ത്
സഞ്ജുവിനെ കൂടാതെ മറ്റ് മൂന്ന് ഇന്ത്യൻ താരങ്ങൾ കൂടി ലോകകപ്പ് ഇലവനിൽ ഇടംപിടിച്ചു.
സഞ്ജു സാംസൺ: വിക്കറ്റ് കീപ്പർ ബാറ്റ്സ്മാൻ.
ഇഷാൻ കിഷൻ: ടോപ്പ് ഓർഡർ ബാറ്റ്സ്മാൻ.
ഹാർദിക് പാണ്ഡ്യ: ഓൾറൗണ്ടർ.
ജസ്പ്രീത് ബുംറ: പേസ് ബൗളർ.
പ്രമുഖ കമന്റേറ്റർ ഇയാൻ ബിഷപ്പ് ഉൾപ്പെടുന്ന വിദഗ്ധ സമിതിയാണ് കളിക്കാരുടെ പ്രകടനം വിലയിരുത്തി ടീമിനെ തിരഞ്ഞെടുത്തത്. സഞ്ജുവിനൊപ്പം പാകിസ്ഥാന്റെ സാഹിബ്സാദ ഫർഹാനാണ് ഓപ്പണറായി പട്ടികയിലുള്ളത്.
ഐസിസി ലോകകപ്പ് ടീം
സാഹിബ്സാദ ഫർഹാൻ (പാകിസ്ഥാൻ)
സഞ്ജു സാംസൺ (ഇന്ത്യ – വിക്കറ്റ് കീപ്പർ)
ഇഷാൻ കിഷൻ (ഇന്ത്യ)
എയ്ഡൻ മാർക്രം (ദക്ഷിണാഫ്രിക്ക – ക്യാപ്റ്റൻ)
ഹാർദിക് പാണ്ഡ്യ (ഇന്ത്യ)
വിൽ ജാക്സ് (ഇംഗ്ലണ്ട്)
ജേസൺ ഹോൾഡർ (വെസ്റ്റ് ഇൻഡീസ്)
ജസ്പ്രീത് ബുംറ (ഇന്ത്യ)
ലുങ്കി എങ്കിഡി (ദക്ഷിണാഫ്രിക്ക)
ആദിൽ റഷീദ് (ഇംഗ്ലണ്ട്)
ബ്ലെസിംഗ് മുസറബാനി (സിംബാബ്വെ)
ഷാഡ്ലി വാൻ ഷാൽക്വിക് (യുഎസ്എ) – നാല് മത്സരങ്ങളിൽ നിന്ന് 13 വിക്കറ്റ് വീഴ്ത്തിയ പ്രകടനമാണ് ഇദ്ദേഹത്തെ പട്ടികയിലെത്തിച്ചത്.
ലോകകപ്പ് ഫൈനലിൽ ന്യൂസിലൻഡിനെതിരെ 89 റൺസെടുത്ത് ഇന്ത്യയുടെ വിജയത്തിൽ നിർണ്ണായക പങ്കുവഹിച്ച സഞ്ജുവിന് ലഭിച്ച ഈ അംഗീകാരം മലയാളികൾക്ക് ഇരട്ടി മധുരമായി.
Story Summary:
ICC has announced the T20 World Cup ‘Team of the Tournament,’ featuring four Indian players, including Malayali star Sanju Samson. Sanju, named the wicket-keeper, earned his spot after a brilliant campaign where he was also adjudged the Player of the Tournament. South Africa’s Aiden Markram leads the squad selected by an expert panel including Ian Bishop. Other Indians in the team are Ishan Kishan, Hardik Pandya, and Jasprit Bumrah. USA’s Shadley van Schalkwyk was named the 12th man.
