ദുബായ്: ഇന്ത്യ ആതിഥേയത്വം വഹിക്കുന്ന ട്വന്റി20 ലോകകപ്പിന്റെ വേദി മാറ്റണമെന്ന ബംഗ്ലദേശിന്റെ ആവശ്യം അന്താരാഷ്ട്ര ക്രിക്കറ്റ് കൗൺസിൽ (ഐസിസി) തള്ളി (ICC Reject Bangladesh Venue Change). വെർച്വലായി നടന്ന ഐസിസി ബോർഡ് മീറ്റിംഗിൽ വോട്ടിനിട്ടാണ് ഈ തീരുമാനമെടുത്തത്. 14 അംഗ രാജ്യങ്ങൾ വേദി മാറ്റത്തിനെതിരെ വോട്ട് ചെയ്തപ്പോൾ, ബംഗ്ലദേശിനെ പിന്തുണച്ചത് പാക്കിസ്ഥാൻ മാത്രമാണ്. ഇന്ത്യയിൽ കളിക്കാൻ തയ്യാറല്ലെങ്കിൽ ബംഗ്ലദേശ് ലോകകപ്പിൽ നിന്ന് പുറത്താകുമെന്നും പകരം സ്കോട്ട്ലൻഡിനെ ഉൾപ്പെടുത്തുമെന്നും ഐസിസി കർശന നിലപാട് സ്വീകരിച്ചു.
ബംഗ്ലദേശ് താരങ്ങൾക്കും ആരാധകർക്കും ഇന്ത്യയിൽ സുരക്ഷാ ഭീഷണിയുണ്ടെന്ന വാദമാണ് ഐസിസി തള്ളിക്കളഞ്ഞത്. സുരക്ഷാ പരിശോധനകളിൽ അത്തരമൊരു ഭീഷണി നിലവിലില്ലെന്ന് ബോധ്യപ്പെട്ടതായും വേദി മാറ്റുന്നത് തെറ്റായ കീഴ്വഴക്കങ്ങൾ സൃഷ്ടിക്കുമെന്നും ഐസിസി വ്യക്തമാക്കി. ലോകകപ്പ് പങ്കാളിത്തം സംബന്ധിച്ച് അന്തിമ തീരുമാനം അറിയിക്കാൻ ബംഗ്ലദേശ് ക്രിക്കറ്റ് ബോർഡിന് (BCB) 24 മണിക്കൂർ കൂടി ഐസിസി സമയം അനുവദിച്ചിട്ടുണ്ട്. ഫെബ്രുവരി 7-നാണ് ലോകകപ്പ് ആരംഭിക്കുന്നത്.
ബംഗ്ലദേശിന്റെ ആവശ്യത്തിന് പൂർണ്ണ പിന്തുണയുമായി പാക്കിസ്ഥാൻ ക്രിക്കറ്റ് ബോർഡ് (PCB) രംഗത്തെത്തിയിരുന്നു. ഇന്ത്യയിൽ നിന്ന് വേദി മാറ്റണമെന്ന ആവശ്യം ന്യായമാണെന്നും ശ്രീലങ്കയ്ക്ക് വേദിയൊരുക്കാൻ സാധിക്കില്ലെങ്കിൽ പാക്കിസ്ഥാനിൽ മത്സരങ്ങൾ നടത്താൻ തയ്യാറാണെന്നും പിസിബി അറിയിച്ചു. എന്നാൽ, ഭൂരിഭാഗം രാജ്യങ്ങളും ഇന്ത്യയിൽ തന്നെ മത്സരങ്ങൾ നടത്തണമെന്ന നിലപാടിൽ ഉറച്ചുനിന്നതോടെ ബംഗ്ലദേശ് പ്രതിസന്ധിയിലായി. എന്തുവന്നാലും ഇന്ത്യയിലേക്ക് ടീമിനെ അയക്കില്ലെന്ന് ബംഗ്ലദേശ് സർക്കാരിന്റെ സ്പോർട്സ് ഉപദേശകൻ ആസിഫ് നസ്റുൽ നേരത്തെ വ്യക്തമാക്കിയിരുന്നു.
The ICC has rejected Bangladesh's request to move the T20 World Cup venues out of India after a board meeting where 14 member nations voted against the proposal. Only Pakistan supported Bangladesh's stance and even offered to host the matches. The ICC maintained that there is no security threat in India and warned that Bangladesh would be replaced by Scotland if they refuse to participate. Bangladesh has been given 24 hours to announce its final decision regarding the tournament starting on February 7.