സൗത്ത് ആഫ്രിക്കക്കെതിരായ മൂന്നാം ടി20യിൽ വിജയലക്ഷ്യമായ 118 റൺസ് 15-ാമത്തെ ഓവറിൽ മൂന്ന് വിക്കറ്റ് നഷ്ടത്തിൽ ഇന്ത്യ നേടിയിരുന്നു. ഈ മത്സരത്തിൽ ഒരു ചരിത്രനേട്ടം ഇന്ത്യൻ ഓൾ റൗണ്ടർ ഹാർദിക് പാണ്ഡ്യയും സ്വന്തമാക്കുകയുണ്ടായി. മത്സരത്തിൽ ഒരു വിക്കറ്റ് നേടിയാണ് ഹാർദിക് തിളങ്ങിയത്. ഇതോടെ ടി20യിൽ ഇന്ത്യക്കായി 100 വിക്കറ്റുകൾ നേടാൻ താരത്തിന് സാധിച്ചു.
ടി20യിൽ 1000+ റൺസും 100+ വിക്കറ്റും സ്വന്തമാക്കുന്ന ആദ്യ ഫാസ്റ്റ് ബൗളിംഗ് ഓൾ റൗണ്ടർ ആയി ഹാർദിക്. ഈ നേട്ടം കൈവരിക്കുന്ന അഞ്ചാമത്തെ താരം കൂടിയാണ് ഹാർദിക്. വീരൺദീപ് സിംഗ്, ഷാക്കിബ് അൽ ഹസൻ, സിക്കന്ദർ റാസ, മുഹമ്മദ് നബി എന്നിവരാണ് ഇതിന് മുമ്പ് ഈ നേട്ടം കൈവരിച്ചിട്ടുള്ളത്.
ഇന്ത്യൻ ബൗളിങ്ങിൽ ഹാർദിക്കിന് പുറമെ ഹർഷിദ് റാണ, വരുൺ ചക്രവർത്തി, അർഷ്ദീപ് സിങ്, കുൽദീപ് യാദവ് എന്നിവർ രണ്ട് വീതം വിക്കറ്റുകൾ സ്വന്തമാക്കി. ശിവം ദുബെയും ഒരു വിക്കറ്റ് നേടി.